Actualitats
Un conte ecologic: L’Oliu del giratòri
Seguiscam las aventuras de Pablo, un oliu andalós transplantat al mièg d’un giratòri
La narbonesa Annick Jahan a escrit un conte ecologic en francés L’olivier du rond-point, un libre que s’adreiça mai que mai als 9-12 ans mas tanben a totes los que s’interèssan al sòrt dels olius transplantats. Lo libre es disponible tanben dins una version anglesa e, ara, dins la version occitanaL’oliu del giratòri, mercé a la revirada de Mirelha Braç e Alan Roch (IEO Aude).
En 24 paginas, dins un format cairat (21x21 cm) amb d’illustracions (dessenhs de Paul Reig e aqüarèla de Cecilia Puig), seguissèm las aventuras de Pablo (es lo pichon nom de l’oliu andalós que li arriba, un còp l’autre, de daissar escapar qualques mots dins sa lenga mairala).
S’aquel drollet que passa amb son amic en bicicleta, que s’arrèsta , qu’ensaca sas olivas e que vòl faire venir son papeta, un especialista de la preparacion de las olivas de taula, lo poirà salvar e lo tirar d’aquel giratòri sens arma?
L’An Demain, de la librariá a l’edicion
L’An Demain èra d’en primièr una librariá setòria especializada dins l’ecologia e las alternativas. A costat, se lancèron dins l’edicion. Dempuèi lo 1r de genièr, lo trabalh editorial es vengut prioritari e la librariá (5, Cai d’Argièr a Seta) es dobèrta solament lo dissabte e reçauprà, de temps en temps, de rescontres-discussions.
Entre los libres editats, de notar:
AR
Per ne saber mai sus L’An Demain e son catalòg: www.landemain.fr
En 24 paginas, dins un format cairat (21x21 cm) amb d’illustracions (dessenhs de Paul Reig e aqüarèla de Cecilia Puig), seguissèm las aventuras de Pablo (es lo pichon nom de l’oliu andalós que li arriba, un còp l’autre, de daissar escapar qualques mots dins sa lenga mairala).
“M’an plantat aicí al mièg d’aquel giratòri ont milierats de veïculs de tota mena se preissan en grand tarabast, en redond, s’agís d’una ronda? Curiosa ronda! Sonòra, bronzinanta e que pudís… Mon exili… aqueste cercle de missanta tèrra ont los òmes vestits de jaune fluò an escampat, d’aquí entr’aquí, unes blòcs de pèira que fan mina de me protegir de las veituras calugas e retenon coma pòdon lo sòl a mas rasigas.”
I agèt lo viatge ont los olius promeses a se ganhar una copa bonsai dins las jardinariás crosavan los camions d’avets d’Escandinàvia venguts “festejar” Nadal: “Jol pretèxte del rescalfament climatic, un fum d’espècias vegetalas, e de còps animalas, se tornan trapar dins unes endreits ont procuran l’exotisme recercat. Atal, una franja de palmièrs servís de totèm exotic al centre del jardin d’una ostalariá bèla dins una província alemanda” . Los emplegats de la comuna, amb lor malhòt jaune (“lemons sus patas”), li fan plan de misèrias. Demanda a sa passatgièra clandestina, una migala, d’anar véser endacòm mai qu’el crenta la ventòrla.S’aquel drollet que passa amb son amic en bicicleta, que s’arrèsta , qu’ensaca sas olivas e que vòl faire venir son papeta, un especialista de la preparacion de las olivas de taula, lo poirà salvar e lo tirar d’aquel giratòri sens arma?
L’An Demain, de la librariá a l’edicion
L’An Demain èra d’en primièr una librariá setòria especializada dins l’ecologia e las alternativas. A costat, se lancèron dins l’edicion. Dempuèi lo 1r de genièr, lo trabalh editorial es vengut prioritari e la librariá (5, Cai d’Argièr a Seta) es dobèrta solament lo dissabte e reçauprà, de temps en temps, de rescontres-discussions.
Entre los libres editats, de notar:
— la parucion a la tardor de 2020 d’un libre de Jean Brunelin, vertadièra enciclopèdia gostosa de la cosina tradicionala setòria: La cuisine sétoise.
— un libre plan util en aquesta annada del centenari de la naissença de Jòrdi Brassens: Georges Brassens Pas à pas, petit guide (très orienté) de Sète, cosignat per dos Bernats: Lonjon e Wagnon.
— un libre plan util en aquesta annada del centenari de la naissença de Jòrdi Brassens: Georges Brassens Pas à pas, petit guide (très orienté) de Sète, cosignat per dos Bernats: Lonjon e Wagnon.
AR
Per ne saber mai sus L’An Demain e son catalòg: www.landemain.fr
 | JAHAN, Annick. L’Oliu del giratòri, L’An Demain, 2021, 24 paginas. 10 èuros + 3 de pòrt De comandar a: IEO-Aude BP 51042 11860-Carcassona Cedex |
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una peticion contra l'arrancament d'olius catalans :
https://www.change.org/p/parlament-de-catalunya-stop-a-l-espoli-d-oliveres-monumentals-a-catalunya-patrimoni-mundial-stopexpoliodeolivos-en-cataluña?recruiter=85564021&utm_source=share_petition&utm_medium=facebook&utm_campaign=psf_combo_share_initial&recruited_by_id=047d742a-c8ce-43ae-a1fb-6fca332eb278
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari