Bandièra01 1180x150: Comuna de Tolosa

Actualitats

Bougainville vòl declarar l’independéncia lo 1r de setembre de 2025

Lo primièr ministre de Papoa-Nòva Guinèa cèrca pas de “diluir” lo resultat del referendum de 2019 mas avertís que cal assegurar l’unitat de la rèsta del país

Ishmael Toroama
Ishmael Toroama | Govèrn Autonòm de Bougainville

Tèxte legit

Lo president de Bougainville, Ishmael Toroama, a establit lo 1r de setembre de 2025 coma data buta per declarar l’independéncia d’aquelas illas. Es la data que Toroama a mes sus la taula en las convèrsas amb lo primièr ministre de Papoa-Nòva Guinèa, James Marape, ont los dos govèrns an tanben signat un acòrdi per que Bougainville aja mai de marge de manòbra dins l’exercici de son autonomia.
 
Bougainville, a l’ora d’ara una region autonòma de Papoa-Nòva Guinèa, faguèt un referendum d’independéncia entre novembre e decembre de 2019. Gaireben lo 98% dels votants sostenguèron la secession.
 
Lo referendum èra pas constrenhent e la decision la deu validar lo Parlament de Papoa-Nòva Guinèa.
 
Marape a assegurat que vòl pas “diluir” lo resultat “aclapant” del referendum, que serà “respectat”, mas a avisat que la proposicion que se vòte fin finala al parlament deu èsser compatibla amb lo mantenement de l’unitat de la rèsta de Papoa-Nòva Guinèa.
 
Lo primièr ministre de la republica oceanica vòl que lo procès de convèrsas entre Papoa-Nòva Guinèa e Bougainville prenga en compte lo fach que lo país es “lo mai divèrs del Mond”. “Ma responsabilitat es preservar l’unitat del país”, çò a declarat Marape.
 
I a de tensions autonomistas dins d’autras illas del país coma Nòva Bretanha e Nòva Irlanda e dins la region centrala d’Enga. Los lingüistas calculan qu’en Papoa-Nòva Guinèa se parla mai d’800 lengas.

 
 
 
Aquesta nòva es adaptada de Nationalia, amb qui Jornalet ten un acòrdi de cooperacion.

 
 
 
abonar los amics de Jornalet

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
5.

#1
Sebelida o negada en Dordonha ?

  • 1
  • 0
Amīcus Emmanuelis Macrōnis Cīvitās Erōtica Sēnsuālitātis
4.

#3 Sètz gelós de la maissa poderosa del President o qué ? Fau pas de propaganda, pensatz vertadièrament que lo President pagarai qualqu'un per far de propaganda sus Jornalet ? Ieu fau que m'exprimir e donar mon opinion en tota libertat perqué Jornalet es un site libre e democratic. E sèm aquí per escambiar, del moment qu'es cordial e que l'extrèma drecha vèn pas se'n mesclar.

  • 0
  • 12
Delmaquís Tolosa
3.

#2 Ço que disètz es pas verai e lo sabètz. Perqué envasissètz los comentaris de totes los articles del Jornalet, sètz pagat per far la propaganda del Macron ? Fonciona pas, degun i crei.

  • 15
  • 6
Amīcus Emmanuelis Macrōnis Cīvitās Erōtica Sēnsuālitātis
2.

Avètz vist, l'independéncia es possibla amb lo nòstre President Emmanuel Macron, prèst a conciliar. La meteissa causa arribarà benlèu en Occitània, perqué es lo defensor de las identitats mençadas (e es ben per aquò que vòti per el).

  • 0
  • 18
Sará un trimfle
1.

E de segur coma i sèm avezats, aquel desplicatat d'ultà esquèrra ajudarà e salvarà Occitània.

Far trambla tot aquò.

Es ambe Bougainville que jeanne Barret fusquèc la primièra femna que fasquèc lo torn del mond.
Èra una botanista. Es sebelida en dordonha.

Nb. Siái pas segur de son pichon nom, aquò rai ! Sarà lo jòc de la dimenjada -)

  • 1
  • 7

Escriu un comentari sus aqueste article