Bandièra01 1180x150: Comuna de Tolosa

Actualitats

EnvironamentSocietat
crotz-tolosaCreated with Sketch.LengadòcLengadòc BasCostiera de Nimes

De fòrts aigats inondan la Costièra de Nimes

En qualques oras, es tombat sul país l’equivalent de mai de dos meses de pluèjas

| La Gazette de Montpellier

Tèxte legit

De pluèjas diluvianas an tocat aqueste dimècres la Costièra de Nimes. En qualques oras, es tombat sul país nimesenc l’equivalent de mai de dos meses de pluèjas. Segon Méteo France, s’agís d’aigats istorics e sens precedent, d’auratges violents acompanhats de potentas ventadas. “Lei borrascas èran tan fòrtas que la plueja tombava a l’orizontala”, çò explica un testimòni dins Libération. Las escòlas, collègis e licèus son barrats aqueste dimècres.
 
Environ 800 pompièrs son mobilizats. Los aigats an provocat d’inondacions importantas e fòrça estradas son barradas. Tanben la circulacion dels trens es estada interrompuda. L’autoestrada A9 es inondada e una trentena de personas las an evacuadas los socorses entre l’Anglada e Galargas. A Aigas Vivas an salvat una desena de personas en elicoptèr. Segon nòstras darrièras informacions, i auriá doas personas desaparegudas. Pasmens, lo temps es totjorn instable e cal seguir las informacions a la minuta. Se pòt far sus La Dépêche o sus France info.
 
A Sant Donisi an enregistrat 244 l/m2 en tres oras. Per n’aver una idèa, l’aigat pus fòrt enregistrat dins l’estat francés foguèt a Montpelhièr en 2014 amb 253 l/m2. Lo cambiament climatic fa venir mai probable aqueles aigats, çò precisa Méteo France, que soslinha un aument dels episòdis de pluèjas de mai de 200 l/m² en 24 oras.
 
 
 
 
 
 
 
abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Maignial Galhac
3.

Aqueste tipe d'episòdi es vengut mai frequent ara. Es normal: la mar mediterranèa s'es rescalfada de dos grases, e l'aire pòt conténer 7% mai d'aiga per cada gra suplementari. Doncas lo cicle d'aiga s'abriva. Agen a tanben conegut son piegèr deluvi fa qualques jorns. Aqui dins lo Tarn, i agèt de trumadas doas ivèrns d'arreu en 2019 e 2020, çò es pr'aquò fòrça escàs. I a de mai en mai d'energia dins l'atmosfèra pels fenomènes violents. Aquò's lo rescalfament climatic.

  • 9
  • 0
Franc Bardòu
2.

Totala solidaritat amb las victimas. Quand vos tomba quicòm aital per las espatlas, vos pòdi assegurar que pren fòrça temps d'o digerir…

  • 10
  • 0

Escriu un comentari sus aqueste article