Bandièra01 1180x150: País Invisible

Actualitats

L’istòria de la cosina catalana e occitana avança

L’òbra comptarà dètz volums, dont lo quatren se publiquèt fa gaire

Tèxte legit

L’istòria de la cosina catalana e occitana se documenta e se publica pauc a cha pauc. Es previst que l’òbra comprenga dètz volums e que siá completament acabada d’aicí a dètz o dotze ans. “Costarà una vida entièra, mas soi una persona fòrça pacienta”, çò declarèt l’autor, Vicent Marqués. Fa gaire se publiquèt lo quatren volum.
 
Lo primièr volum es consagrat a las salsas, als aperitius, a las ensaladas e a las sopas; lo segond als topins e legums; lo tresen als legums secs, al ris e a las pastas, e lo quatren als peisses, al cauquilhum e als cefalopòdes. Cada volum presenta sus aperaquí 800 paginas un percors istoric, filologic, literari e cultural de qualques plats que configuran lo còrpus de la cosina que partejam lo mond d’Occitània e dels Païses Catalans. Malgrat que l’òbra siá editada en catalan, Jornalet publica en occitan qualques unas de las melhoras recèptas de la cosina occitana, en ne fasent un pauc l’istòria.
 
Nascut a Valéncia en 1950, Marqués es cosinièr e escrivan. A publicat de romans e de libres de cosina tradicionala. Fa aperaquí quaranta ans que comencèt la recèrca de donadas per escriure aquesta istòria de la cosina catalana e occitana. Segon lo reputat cosinièr catalan Ferran Adrià, l’òbra es “una pèça d’art”. Lo segond volum obtenguèt lo prèmi Best of the World dels Gourmand World Cookbook Awards.
 
 
 
 
MARQUÉS, Vicent. Història de la cuina catalana i occitana.
Volum 4: los peisses, lo cauquilhum e los cefalopòdes.
Edicions Sidillà, 2021. 896 paginas. 30 èuros.


 
 
MARQUÉS, Vicent. Història de la cuina catalana i occitana
Volum 3: los legums secs, lo ris e las pastas.
Edicions Sidillà, 2020. 900 paginas. 30 èuros.


  
 
MARQUÉS, Vicent. Història de la cuina catalana i occitana
Volum 2: los topins e los legums.
Edicions Sidillà, 2019. 920 paginas. 30 èuros.


  
 
MARQUÉS, Vicent. Història de la cuina catalana i occitana.
Volum 1: las salsas, als aperitius, a las ensaladas e a las sopas. Edicions Sidillà, 2018. 918 paginas. 39 èuros.


  

Soscriure tota la colleccion
 
 
abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Montsegur
2.

Mercé per l'article e per aver parlat d'aquesta colleccion de libres sus la cosina. Ai una sola causeta de dire: son extra-or-di-na-ris!

  • 1
  • 0
Miam
1.

Brau per aquel trabalh!

  • 5
  • 0

Escriu un comentari sus aqueste article