Actualitats
Quand los govèrns d’Hollande e Macron fasián lo melhorament de l’armada russa
França a liurat d’armas en Russia fins a l’an 2020, çò publica Disclose
Tèxte legit
Lo jornal d’investigacion Disclose a revelat que las administracions francesas dels presidents François Hollande e Emmanuel Macron vendèron d’esquipament de guèrra a l’armada russa entre los ans 2015 e 2020. Al total produguèron 76 licéncias d’exportacion per un montant d’operacions de mai 152 milions d’èuros. Qualques contractes existissián dempuèi 2007. Cada entrepresa a besonh d’una licéncia autrejada per la CIEEMG, un conselh compausat del Ministèri dels Afars Estrangièrs, del de la Defensa e de representants del Ministèri de l’Economia.
Per se’n recordar, dempuèi 2015 lo Ministèri dels Afars Estrangièrs foguèron jos la man de Laurent Fabius, Jean-Marc Ayrault e ara Jean-Yves Le Drian. Sabèm pas s’an la ròsa dins lo ponh, mas es segur que coneisson la Catherine, una camèra termica fabricada per Thales que permet d’afustar una buta de fòrça quilomètres estant. Aquelas camèras infrarojas foguèron ja emplegadas per dobrir lo fuòc en Ucraïna en 2014, segon un vidèo de l’epòca filmat a l’interior d’un tanc rus T-72.
Las vendas d’armas an portat de beneficis enòrmes, a ne jutjar per la quòta de las accions de Thales e de Safran, qu’an fòrça progressat al CAC 40:
Las administracions d’Hollande e de Macron profechèron d’una pichona brèca dins l’embargament europèu: es pas retroactiu. Per èsser clar, las liurasons ligadas a de contractes signats abans l’embargament d’armas pòdon èsser mantengudas. O a confirmat a Disclose la Comission Europèa, en recordant pasmens qu'aquelas exportacions son supausadas respectar “la posicion comuna de 2008”. Aquesta estipula que los estats membres degan refusar las exportacions d'armament se pòdon provocar o perlongar un conflicte armat. Un risc plan present en Ucraïna.
Gaël Breysse
Per se’n recordar, dempuèi 2015 lo Ministèri dels Afars Estrangièrs foguèron jos la man de Laurent Fabius, Jean-Marc Ayrault e ara Jean-Yves Le Drian. Sabèm pas s’an la ròsa dins lo ponh, mas es segur que coneisson la Catherine, una camèra termica fabricada per Thales que permet d’afustar una buta de fòrça quilomètres estant. Aquelas camèras infrarojas foguèron ja emplegadas per dobrir lo fuòc en Ucraïna en 2014, segon un vidèo de l’epòca filmat a l’interior d’un tanc rus T-72.
Las vendas d’armas an portat de beneficis enòrmes, a ne jutjar per la quòta de las accions de Thales e de Safran, qu’an fòrça progressat al CAC 40:
| Març de 2015 | Març de 2022 | |
| Thales group | 52 èuros | 111 èuros |
| Safran | 65 èuros | 105 èuros |
Las administracions d’Hollande e de Macron profechèron d’una pichona brèca dins l’embargament europèu: es pas retroactiu. Per èsser clar, las liurasons ligadas a de contractes signats abans l’embargament d’armas pòdon èsser mantengudas. O a confirmat a Disclose la Comission Europèa, en recordant pasmens qu'aquelas exportacions son supausadas respectar “la posicion comuna de 2008”. Aquesta estipula que los estats membres degan refusar las exportacions d'armament se pòdon provocar o perlongar un conflicte armat. Un risc plan present en Ucraïna.
Gaël Breysse
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dins una petita classa rurala d'autre còp, lo mestre d'escòla disset au Jean " en passar dins los bòscs me coparas una lata."Lo Jean portet la lata e lo mestre s'en servet coma una bagueta d'escòla. Mas, un jorn lo Jean masset un còp de latas sur la testa perqué fasia lo fada.
Lo Jean credet de lonh a la surtida " Ses segur que te tornarai pas te portar quauqu'a ren; Nen podes esser segur".
França viu en partida de sas ventas d'armas. Benleu chaldria imaginar una autra politica.
#1 Per rire un pauç;
Vas veire si la Trumpeta arrieba emben lo fusilh dins l'eschina, coma vas trumpetas!
E òc ! E ara, los turiferaris de Macron nos servisson que, coma (se supausa) Potin faguèt elegir lo Trumpeta, lo meteis Potin menèt de fèc-niós contra l'eleccion de Macron. S'es verai, alara lo colhonet de l'Elisèu l'a plan pagat de sa pena en li vendent d'armas qu'ara tiran contra los ucraïnians.
E ara, lo Tsar seriá a la manòbra per far montar lo Zemmour e lo Merlusson. Te disi !
Saique nos vòlon pas far páur alara que, coma diguèt lo Chirac en 2002 : Pas besonh de far campanha, l'eleccion es plegada !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari