Actualitats
Un tresaur sus Mercuri
Un important cercaire mineralòg estatsunidenc afirma que la superfícia de la planeta seriá tota plena de diamants
De còps, i a de nòvas que son vertadièrament susprenentas. E pas per la quita nòva mas per tot çò que pòt entraïnar aquesta. L’estonament es doncas es çò que seguís la confirmacion per un important cercaire mineralòg estatsunidenc que la superfícia de la planeta Mercuri seriá tota plena de diamants pr’amor de la casuda de meteòrs durant de milions e milions d’ans. E val pas lo dire que degun ara ne voldrà pas èsser lo darrièr a i arribar.
Segon aquela nòva, confirmada per mejan d’una simulacion informatica per Kevin Cannon a la darrièra Conferéncia Scientifica Lunara e Planetara, la superfícia d’aquela planeta — la pus pròcha del Solelh, contendriá de milions e milions de tonas de diamants que serián la resulta del bombardament, durant de centenats de milions d’ans, de meteòrs sus Mercuri.
Per ansin, a la darrièra conferéncia d’aquel organisme que se tenguèt en Tèxas, aquel cercaire confirmèt qu’aquò seriá real pr’amor del bombardament dels meteòrs pendent la longa istòria de Mercuri. A mai, tanben afirmèt que n’i auriá fins a un tresen mai que sus la superfícia de la Tèrra, çò que fariá d’aquela planeta un tresaur sens fin.
De remembrar que los diamants se son formats a mai de 150 km de la superfícia de la Tèrra e que puèi i pervenon per l’activitat volcanica. Pasmens, divèrses estudis recents an establit que los diamants tanben se pòdon formar pr’amor d’un meteòr.
“Quand lo meteòr tomba sus la superfícia, çò diguèt Cannon, cercaire de l’Escòla de Minas a Golden, en Colorado, alara se produtz una granda pression que pòt tresmudar lo carbòni en diamants”.
Amb aquel imatge, Cannon analisèt per lo menut la planeta la pus pròcha del Solelh. Segon los darrièrs estudis, sa superfícia seriá formada de grafit, un mineral que sa basa es lo carbòni. Puèi estudièt s’i èran tombats fòrça meteòrs. “Quand nasquèt Mercuri, i aviá un ocean de magma e lo grafit sortiguèt d’aquel magma”.
Puèi aguèt luòc, totjorn segon aquel cercaire, lo bombardament de la superfícia de Mercuri durant de milions d’ans. Uèi lo jorn, aquela planeta ten un fum de cratèrs e lo grafit se seriá transformat en diamants, çò apondèt Cannon.
Per confirmar aquel ipotèsi, pasmens, Cannon auriá utilizat una simulacion informatica dels 4,5 miliards d’ans darrièrs de Mercuri e dels cratèrs que la planeta ten a respècte dels meteòrs. La resulta d’aquel estudi foguèt que se lo jaç de grafit de Mercuri foguèsse d’aperaquí 300 m, uèi i auriá 16 trilions de tonas de diamants sus Mercuri, çò es fins a 16 còps mai que la resèrva de diamants de tota la Tèrra. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Segon aquela nòva, confirmada per mejan d’una simulacion informatica per Kevin Cannon a la darrièra Conferéncia Scientifica Lunara e Planetara, la superfícia d’aquela planeta — la pus pròcha del Solelh, contendriá de milions e milions de tonas de diamants que serián la resulta del bombardament, durant de centenats de milions d’ans, de meteòrs sus Mercuri.
Per ansin, a la darrièra conferéncia d’aquel organisme que se tenguèt en Tèxas, aquel cercaire confirmèt qu’aquò seriá real pr’amor del bombardament dels meteòrs pendent la longa istòria de Mercuri. A mai, tanben afirmèt que n’i auriá fins a un tresen mai que sus la superfícia de la Tèrra, çò que fariá d’aquela planeta un tresaur sens fin.
De remembrar que los diamants se son formats a mai de 150 km de la superfícia de la Tèrra e que puèi i pervenon per l’activitat volcanica. Pasmens, divèrses estudis recents an establit que los diamants tanben se pòdon formar pr’amor d’un meteòr.
“Quand lo meteòr tomba sus la superfícia, çò diguèt Cannon, cercaire de l’Escòla de Minas a Golden, en Colorado, alara se produtz una granda pression que pòt tresmudar lo carbòni en diamants”.
Amb aquel imatge, Cannon analisèt per lo menut la planeta la pus pròcha del Solelh. Segon los darrièrs estudis, sa superfícia seriá formada de grafit, un mineral que sa basa es lo carbòni. Puèi estudièt s’i èran tombats fòrça meteòrs. “Quand nasquèt Mercuri, i aviá un ocean de magma e lo grafit sortiguèt d’aquel magma”.
Puèi aguèt luòc, totjorn segon aquel cercaire, lo bombardament de la superfícia de Mercuri durant de milions d’ans. Uèi lo jorn, aquela planeta ten un fum de cratèrs e lo grafit se seriá transformat en diamants, çò apondèt Cannon.
Per confirmar aquel ipotèsi, pasmens, Cannon auriá utilizat una simulacion informatica dels 4,5 miliards d’ans darrièrs de Mercuri e dels cratèrs que la planeta ten a respècte dels meteòrs. La resulta d’aquel estudi foguèt que se lo jaç de grafit de Mercuri foguèsse d’aperaquí 300 m, uèi i auriá 16 trilions de tonas de diamants sus Mercuri, çò es fins a 16 còps mai que la resèrva de diamants de tota la Tèrra. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Submitted an #LPSC2022 abstract claiming the planet Mercury may have 16 quadrillion tons of diamonds worked into its ancient terrains. Surprisingly not as crazy as it sounds (I think?). pic.twitter.com/e32bxN8vk7
— Kevin Cannon (@kmcannon) January 10, 2022
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los 4C critèris dels adamàs : Talha (Cut), Pes (Carat), Blosetat (Clarity, Color (Color)
Lo pes 1 carat = 0,20Gr. Lo Carat pòt èsser sompartit en 100 punts. Un adamàs de 0,75 Carats es egal a un adamàs de 75 punts.
Lo Carat dels adamàs ten ren a vèire ambe los carats dels aligatges d’aur. Oficialament un bibèis de 18 carats es un bibèi ambe 75% d’aur tanben l’apelacion oficiala es dicha en milhèmas .
Ancianament 18 carats d’aur es ara 75 milhèmas.
Atal s'ai una baga o pendents d' Aurmièra ( aurum merum) es 99% d'aur.
Lo napoleon 20Fr. aur ten 5,80644Gr. d'aur esporíu.
La Blosetat avèm del mai esclet al mens FL, IF, VVS1, VVS2, VS1, VS2, SI1, SI2, SI3, P1, P2, P3. Sus un grossissament de 10.
L’escala de las colors s’espandís de D cap a Izèda (Z).
Ardit pichon ! Prèni l’avion cap a Mercuri per tornar ambe sacas emplenadas d’adamàs, pel mens aurai los alibòfis susbrumat d'aur.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari