Bandièra01 1180x150: País Invisible

Actualitats

Presidenciala francesa: los resultats d’una enquista menada pel collectiu PQVNL

Lo collectiu Per Que Viscan Nòstras Lengas a interrogat los candidats a la presidenciala sus lors engatjaments pertocant las lengas dichas regionalas

| Collectif Pour Que Vivent Nos Langues

Tèxte legit

Lo collectiu Per Que viscan Nòstras Lengas a interrogat los candidats a la presidéncia de la Republica Francesa. Son Yannick Jadot e Philippe Poutou que son mai favorables e parlan d’un “vertadièr estatut de cooficialitat de las lengas regionalas”, çò rapòrta Ouest-France.


Qui defend las lengas regionalas?
 
Lo collectiu PQVNL (Per que Viscan Nòstras Lengas) a interrogat los candidats a la presidenciala francesa sus lors engatjaments pertocant las lengas regionala, çò precisa dins un comunicat transmés lo dijòus 7 d’abril. Cal notar que los dos candidats d’extrèma drecha foguèron pas sollicitats pr’amor que « promòvon l’exclusion e lo replegament sus se », çò indica lo collectiu PQVNL.
 
La resulta es que Yannick Jadot e Philippe Poutou, practicament a egalitat, son los dos candidats mai favorables e que se pronóncian per un vertadièr estatut de cooficialitat de las lengas de las minoritats nacionalas dins los territòris qu’o voldràn, dins un quadre democratic als escalons regional, estatal e europèu.
 
Lo comunicat mençona puèi que Valérie Pécresse, candidata pel partit conservator Los Republicans, a indicat qu’ela e son partit sostenguèron la Lei Molac, amb los autres presidents de las regions de l’estat francés, e que desira son aplicacion. Demòra ça que la opausada a tota cooficialitat e a la ratificacion de la Carta Europèa de las Lengas Regionalas e Minoritàrias.
 
Lo comunista Fabien Roussel s’engatja, de son caire, per una refondacion dels servicis publics de l’ensenhament que beneficiariá a las lengas regionalas, sens cap d’autre engatjament sus lor usatge e lor estatut legal.
 
Per quant a Jean-Luc Mélenchon (Union populara – França Insomesa), sosten la primautat del francés e s’opausa a tota cooficialitat de las lengas regionalas, a la ratificacion de la Carta Europèa de las Lengas Regionalas e Minoritàrias, e prepausa l’ensenhament de las lengas regionalas al meteis nivèl que las lengas estrangièras, fidèl a la rega traçada pel grop LFI (La França Insomesa) que votèt contra la Lei Molac.
 
Enfin, lo comunicat precisa que lo candidat Joan de Lassala que sostenguèt e votèt la Lei Molac, respondèt pas a las questions, mas li agradèt mai de prepausar la creacion de províncias istoricament, politicament, economicament e culturalament coerentas.
 
Lo collectiu finís que senhala qu’Emmanuel Macron respondèt pas al questionari.
 
Podètz retrobar totas las resultas sul sit de la FÈLCO.

 

 
 
fffff fffff
 Per Que Viscan Nòstras Lengas es un collectiu que se fondèt en octòbre de 2019 a l’iniciativa del deputat europèu François Alfonsi e del deputat breton Paul Molac. Es compausat d’estructuras associativas que representan la diversitat dels actors de las lengas regionalas dins quasi totes los territòris concernits. Arremosa d’estructuras de l’ensenhament public e associatiu, e tanben del mitan cultural. 
   


 
 
abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Eleccion tenda a...
16.

#9 L'onze d'abril 2022, confermacion : "Pécresse, Jadot, Poutou, de braves arlèris que seran pas jamai elegits, que segur se trufan coma de l'an quaranta de las lengas minorizadas" Plan vist !

  • 3
  • 0
Circus Maximus
15.

#2 Pas la pèna de far semblant, lo Lassala serà jamai elegit. Es un candidat per de rire que servis al sistèma a far creire que i-auria una ofèrta vertadièra dins aquela presidenciala qu'es jà jogada d'abança entre bonèta blanca e blanca bonèta. Dins l'encastre mediatico-politic francès lo personatge e las dichas de Lassala significan "brave papèt repapiaire d'idèias fantasierosas amb accent del terrador, que nos fai plan rire". Alara quand nos parla de son "programa" de "futur" "president" es ni mai ni mens que l'espectacle del palhaç que se contunha.

  • 7
  • 1
CHE
14.

#12
Melenchón anticapitalista ! es risible ! aquò me remembra lo projècte socialista (que lo Melenchó era sòci) de 1980 que assegurava que los socialistas farían la ruptura ambe el dins un relambi de cent jorns apéi l'accession al poder !

  • 5
  • 7
Franc Bardòu
13.

#12 Un ecologista que se declara non-anti-capitalista es de la meteissa traça que l'aiga sèca… efectivament.

  • 4
  • 3
Mitron
12.

Yannick Jadot? L'ecolo qui's declara ''pas anticapitalista''?? E voletz arríder? Ua engana!
Tirat Lassalle, los autes que se'n foten beròi de las lengas!
E non pas entercalhar los d'extrèma dreta qu'ei ua error tarribla segon jo, ua mesa a l'escart pegassa.
E puish, la lenga qu'ei un subjècte minor au par de las problematicas a las quaus e hèm cap uei lo dia.
Que cau votar Melenchon tà's tirar lo capitalisme deu puisheu, qu'ei evident!

  • 9
  • 9

Escriu un comentari sus aqueste article