Bandièra01 1180x150: Comuna de Tolosa

Actualitats

Politica

Gilles Platret: “Cal pas causir entre la pèsta e lo colèra”

Lo vicepresident dels Republicans a anonciat que votariá blanc al segond torn. “Ajam la decéncia de donar pas cap de consigna de vòte”

Tèxte legit

Lo vicepresident dels Republicans, Gilles Platret, a anonciat que votariá blanc al segond torn de l’eleccion presidenciala francesa. A diferéncia de sa candidata, Valérie Pécresse, que dimenge ser assegurèt que sostendriá Emmanuel Macron per empachar la victòria de l’extrèma drecha.
 
“La drecha republicana deu pas causir entre Macron e Le Pen, entre la pèsta e lo colèra. Ajam la decéncia de donar pas cap de consigna de vòte. Anarai votar, de segur, en memòria dels combatents de la Libertat francesa. Mas votarai blanc”, çò a publicat sus Twitter. La meteissa causa l’a declarada tornarmai als mèdias.
 
De sondatges publicats après lo primièr torn electoral situan la batalha per l’Elisi mai estrecha qu’en 2017. Segon lo sondatge publicat per BFMTV, Macron venceriá Le Pen amb lo 52% dels vòtes. De remembrar qu’al segond torn de 2017 n’obtenguèt lo 66%.

 
 
 

 
 
abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
3.

Efectivament, la causida es entre la pèsta e lo colèra. Compartissi pas las idèas drechurièras de Giles Platret mas soi d'acòrdi sus aqueste punt.
I a 5 ans, disiái : 5 ans de Macron, e dins 5 ans Le Pen serà presidenta. Responsa : indiferéncia completa. Es coma per l'ecologia, lo mond i crei pas mentre que la catastròfa arriba pas. Sabètz : es l'istòria del tipe que tomba de l'estatge 15en e quand passa davant lo 14en se ditz : Duscas aicí, tot va plan. Passa davant lo 13 e se ditz...
Ara la Le Pen es a la pòrta de l'Elisèu. Se s'examina frejament los programas e las personalitats, lo Macron es tan dangiérós coma l'autra. Lo totalitarisme tecno-mercantil val pas mai que l'autre.
Alara òc, la causida es entre la pèsta e lo colèra. Cal esperar una reaccion sanitosa amb una abstencion-vòte blanc plan nauta. Mas i a un fum de piòts d'esquèrra qu'an pas comprés la leiçon de 2002.
E qué faràn los provençals privats, PEL 2nd CÒP, per un diktat parisenc de representacion de l'esquèrra ecologista a l'amassada de Provença ? Cal arrestar de se far colhonar pel confinhament republican.

  • 5
  • 1
Joan Marc
2.

Simptòme d’un occitanisme mai que malaut : los ‘´ occitanistas ‘´ se carpinhan sus una eleccion ont los candidats se trufan dels problèmas d’Occitània e de las autras minoritats de l’estat francés. Al segond torn podètz causir entre dos nacionalistas franchimands, amb l’opcion racista s’aimatz melhor.

  • 14
  • 5
pierre lachaud
1.

L'egò daus politics exista pus. An perdegut tota lòr creativitat. Obeissan quò es tot. Es pas d'uei que l'òm parla de pensada unica. La dictatura es pas solament militaria. Es d'abòrd economica: lo median minja lo petit avant de se far minjar per un pus gròs. Es aura, un gròs peisson, pus gròs que tots los autres petits peissons. Los petits peissons s'assemblan per se defendre (la Resistança); La fada dau bòsc aguet pitiat e lòr disset : "Sos l'aiga pòde ren far ma si podiatz lo far surtir de l'aiga me chargea de vos en debarassar". Lo pus petit peisson aguet l'idéia de dire au gròs peisson que la luna era dau miau qu'i avia pas melhor a minjar. Lo gròs peisson sautet per attrapar la luna. La fada dau bòsç arribet (lo liberator) e lo transformet en rochier.

L'òm associa totjorn Le Pen au fascisme. Mas, chau esser segur d'una causa : Macron es lo fasciste e lo sol en tant que politic. Quand mesme anatz pas votar Macron sos pretexte que lo Pen seria la Pesta.
Que sabetz de la vòstra pesta que portatz en vos?

  • 6
  • 17

Escriu un comentari sus aqueste article