Actualitats
D’umans amb d’ancessors neandertalians e denisovans conquistèron America
La recenta analisi de l’ADN dels primièrs umans qu’arribèron en America meridionala fa de desenas de milièrs d’ans a mostrat una populacion plan mai complèxa
La recenta analisi de l’ADN dels primièrs umans modèrnes qu’arribèron en America meridionala fa de desenas de milièrs d’ans a mostrat una populacion plan mai complèxa, amb d’umans qu’avián tanben d’ancessors pròches neandertalians e tanben denisovans, un fach inconegut fins ara.
Per ansin, l’analisi de dos individús que visquèron en Brasil (la region del nòrd-èst) fa de milièrs d’annadas, demest d’autres, a menat a divèrsas resultas estonantas pels arqueològs. A pogut èsser escricha l’istòria demografica preïstorica d’America e tanben a pogut èsser confirmada non sonque una migracion nòrd-sud mas tanplan una autra sud-nòrd a travèrs de la còsta atlantica.
A mai, foguèt descobèrta l’evidéncia d’ancessors neandertalians en diferents individús ancians d’America del Sud pel primièr còp. Aital, foguèt una conquista umana plan complèxa. D’autres encara avián d’ancessors genetics (plan mai) denisovans. Pasmens, encara demòran fòrça questions dobèrtas: fins a ont arribèron aqueles primièrs paleoindians?
Una populacion al nivèl regional
Los individús analisats foguèron trapats a Pedra do Tubarão e a Alcobaça, dins lo nòrd-èst brasilièr, per de cercaires de l’Universitat Atlantica de Florida e de l’Universitat d’Emory. Fins ara se sospechava que i aviá agut una migracion nòrd-sud. L’estonament venguèt màger quand se descobriguèt que tanben i aviá agut una autra granda migracion preïstorica sud-nòrd per la còsta atlantica.
Tanben s’es pogut confirmar la preséncia d’ancessors neandertalians, un tipe d’uman que visquèt en Eurasia e Africa mas pas en America, pr’amor que s’escantiguèt abans. La resulta del nòu analisi es estada publicada dins lo numeric Proceedings of the Royal Society B. Los scientifics, en mai d’aquò, an trobat qu’aqueles brasilièrs preïstorics èran tanben d’individús fòrça restacats geneticament amb Uruguai e Panamà.
“I aguèt una migracion per la còsta atlantica vèrs lo nòrd totalament inconeguda fins a uèi, çò ditz Michael DeGiorgio, que dirigiguèt la còla de cercaires. Son d’eveniments regionals que, pasmens, aurián butat un grand nombre de personas a viatjar per la còsta atlantica”. De soslinhar que los cercaires an tanben trapat de senhals genetics plan fòrts d’australasians (d’Austràlia e de Papoa-Nòva Guinèa).(Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Per ansin, l’analisi de dos individús que visquèron en Brasil (la region del nòrd-èst) fa de milièrs d’annadas, demest d’autres, a menat a divèrsas resultas estonantas pels arqueològs. A pogut èsser escricha l’istòria demografica preïstorica d’America e tanben a pogut èsser confirmada non sonque una migracion nòrd-sud mas tanplan una autra sud-nòrd a travèrs de la còsta atlantica.
A mai, foguèt descobèrta l’evidéncia d’ancessors neandertalians en diferents individús ancians d’America del Sud pel primièr còp. Aital, foguèt una conquista umana plan complèxa. D’autres encara avián d’ancessors genetics (plan mai) denisovans. Pasmens, encara demòran fòrça questions dobèrtas: fins a ont arribèron aqueles primièrs paleoindians?
Una populacion al nivèl regional
Los individús analisats foguèron trapats a Pedra do Tubarão e a Alcobaça, dins lo nòrd-èst brasilièr, per de cercaires de l’Universitat Atlantica de Florida e de l’Universitat d’Emory. Fins ara se sospechava que i aviá agut una migracion nòrd-sud. L’estonament venguèt màger quand se descobriguèt que tanben i aviá agut una autra granda migracion preïstorica sud-nòrd per la còsta atlantica.
Tanben s’es pogut confirmar la preséncia d’ancessors neandertalians, un tipe d’uman que visquèt en Eurasia e Africa mas pas en America, pr’amor que s’escantiguèt abans. La resulta del nòu analisi es estada publicada dins lo numeric Proceedings of the Royal Society B. Los scientifics, en mai d’aquò, an trobat qu’aqueles brasilièrs preïstorics èran tanben d’individús fòrça restacats geneticament amb Uruguai e Panamà.
“I aguèt una migracion per la còsta atlantica vèrs lo nòrd totalament inconeguda fins a uèi, çò ditz Michael DeGiorgio, que dirigiguèt la còla de cercaires. Son d’eveniments regionals que, pasmens, aurián butat un grand nombre de personas a viatjar per la còsta atlantica”. De soslinhar que los cercaires an tanben trapat de senhals genetics plan fòrts d’australasians (d’Austràlia e de Papoa-Nòva Guinèa).(Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari