Bandièra01 capçalera  1180x150: Novestivada

Actualitats

La mar poiriá quitar d’absorbir de CO2

Los scientifics avertisson que la mar poiriá cessar d’assimilar de gas carbonic en causa del cambiament climatic que lo patís uèi la Tèrra

Es conegut que los oceans de la planeta absorbisson la majoritat del CO2 contengut dins l’atmosfèra terrèstra. Pasmens, malgrat qu’aqueste procès aja durat de milions d’annadas, ara los scientifics avertisson que la mar poiriá cessar d’assimilar de gas carbonic en causa del cambiament climatic que lo patís uèi la Tèrra. Segon los cercaires, lo limit per que la mar pòsca contunhar son assimilacion del CO2 poiriá arribar lèu, çò que provocariá que l’ocean venguèsse, a son torn, un nòu emeteire de gas carbonic, e que la temperatura globala aumentèsse encara considerablament.
 
La mar a absorbit de CO2 dempuèi abans la revolucion industriala. Uèi, mai del 90% del gas carbonic que lo produtz l’activitat umana actuala es encara assimilat pels oceans e s’i dissòlv. Mas ara los scientifics alèrtan que lo nivèl de CO2 present dins l’atmosfèra de la planeta es gigantàs, e que, e mai la superfícia oceanica absorbisca totjorn que mai de CO2, ela tanben patís de cambiaments coma l’acidificacion o de temperaturas mai nautas.
 
E coma o soslinhan cèrtas donadas d’estudis recents, l’equilibri entre lo nivèl de CO2 e sa capacitat d’absorcion dins los oceans seriá pròche de sa fin pr’amor que la mar poiriá pas pus assimilar de CO2 al nivèl mondial. Aquò seriá una catastròfa per l’umanitat car lo nivèl de CO2 dins l’atmosfèra poiriá passar a 600 parts per milion, valent a dire un 50% de mai que las 410 parts per milion registradas en 2019. Aquò tanben provocariá una creissença rapida de la temperatura mondiala de mai de 2 grases. (Legissètz la seguida).




 
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion.  Podètz legir l'article entièr aicí.






abonar los amics de Jornalet



 
   

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

segur ? Pas segur ? De qual sap ?
1.

Los pairons (models) an jos estimat las capacitats d’embegument del CO² per l’ocean, que nos escalssís Futura-sciences.

D’un band un esper d’un autre un desesper. Vai t-en saber …..

https://www.futura-sciences.com/planete/actualites/rechauffement-climatique-climat-modeles-ont-sous-estime-capacites-absorption-co2-ocean-60976/


  • 6
  • 0

Escriu un comentari sus aqueste article