Bandièra01 capçalera  1180x150: Novestivada

Actualitats

Tres activistas europèas de Femen, condemnadas a quatre meses de preson en Tunisia

| Femen
Las tres activistas europèas del grop feminista Femen, detengudas a Tunis lo 29 de mai, son estadas condemnadas a quatre meses de preson per “atemptat contra la pudor e las bonas mors”, segon lo jornal tunisian Al Sabah.
 
Las francesas Pauline Hillier e Marguerite Stern, qu’an 27 e 23 ans respectivament, e l’alemanda Josephine Markmann, que n’a 19, foguèron detengudas per protestar amb las popas descobèrtas davant lo palais de justícia per demandar la liberacion de la feminista tunisiana Amina, en preson preventiva dempuèi lo 19 de mai.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Joan-Ives G.
8.

#7 Exactament.
E quan disi « colonolialiste » que va de carat que voi díser « conhonalista »…
non, a plasèr : « colhonalista »… « codonh »…
Ah tè rai, hilh de pica ! que voi díser « actitud coloniau ». Voalà.

  • 3
  • 0
Domergue Sumien Ais de Provença
7.

#6 I a pas de neocolonialisme dins l'accion de Femen en Tunisia, bòrd que lo movement Femen a començat en Tunisia amb l'accion d'una militanta tunisiana locala: Amina. Lei tres militantas europèas son vengudas sostenir l'iniciativa tunisiana d'Amina. Sosten totau a Amina e a tot lo movement Femen!

  • 4
  • 0
Joan-Ives G.
6.

Hartèra !
S'ei neocolonialisme de pensar que los qui amagan, acalhavan, vitriòlan, ensequèstran, maridan las hemnas per fòrças a 12 ans, e son ua banda de salotres endarrerats, ja soi neocolonialista e pros de n'estar.
Aimar las diferéncias n'ei pas plegar davant lo faishisme, e l'islam integrista qu'ei un faishisme deus pejors au dia de uei, autan maishant cap e tot com èra l'inquisicion nosta d'un còp èra. Be's pòt que sia colonolialiste de'u combàter, mes peu solide qu'ei muniqués de s'acatar davant eth.
Las femen que's pelejan peus drets de la hemna, valent a díser peus drets de l'òmi. Los lors metòdes ne son pas lhèu tostemps çò de mei eficaç, mes que n'èi ua harterassa jo d'enténer a díser, o de léger, peguessas coma "Se los malians e vòlen la sharia, qu'ei la lor causida" (Michel Onfray).
A qui la causida ? Pas a las malianas peu solide. Ni aus malians qui vivèvan tranquillòts lo lor islam sofi dinc un pelherumi de minjadius sanguinaris e predators sexuaus e'us ac vengosse fóter tot per tèrra.
Las femen n'an pas lhèu pelut lo pitre, lo còr si-ben (tot au reboish deu lor escarni los "omen", los qui'n van enmascarats per on i a pas cap dangèr).
Òsca ad eras.

  • 6
  • 0
Benelux Beutat Al diable verd
5.

#2 Neocoloniau leis Femen, neo-inquisitoriau l'islamisme. E faudriá causir ?… La question mi sembla bona. Leis Femens, sensa la prensa, sai pas grand causa, saique. Mentre que leis inquisitors babassuts…

  • 2
  • 0
Pistoleta Pels camins
4.

#3 Aquò dit, las bonas mòrs, aquò's quand la femna es sàvia, ensenhada, plena de mercés e de plan bon acuèlh… E aicí, vesi pas plan ont an situïdas las bonas mòrs. LAs bonas mòrs serián de s'amagar, de se desencusar d'existir ? De se'n téner als cuols dels nenets e a la cosina ? O de civilizar los òmes fins a temps que dins l'umilitat e dins la generositat, se mainèssen enfin que son los egals de las femnas, ni mai, ni mens…

  • 4
  • 0

Escriu un comentari sus aqueste article