Tèxte legit
Qu’es refofanta de dificultats, la vida dels afogats esportius someses a un regim alimentari draconian!
Prengam (a l’azard, Bautesar!) l’exemple d’una o d’un tretzista de Carcassona. Aqueste dissabte 18, abans lo dèrbi Lesinhan-Carcassona al Molin, al menut d’avantpartida: caçolet.
Autre dèrbi, dissabte 25 a Domèc, es programat lo revenge de la finala passada del campionat entre Carcassona e Limós. Al menut del repais d’avantpartida; caçolet.
Pro que nòstre òme o nòstra femna faga partida dels Dragons de Lauquet qu’organizan de desplaçaments a Perpinhan per seguir los Dragons Catalans, poirà prene part dissabte 2 de decembre de matin a Verzèlhas a l’amasada generala de l’associacion que serà seguida d’un repais ont senhorejarà lo caçolet de l’aprestaire traiteur local!
Cada caçolet asagat de segur (amb la moderacion costumièra) dels vins de país: Corbièras, Menerbés, Cabardés, Limós, etc.
Lo campionat s’estira
La partida St Gaudenç-Lesinhan se joguèt divendres de ser a la demanda de NA-Media, lo novèl partenari televisual de la Federacion. Los Orses demorèron mèstres a l’ostal: 29-10.
Dissabte, victòrias aisidas per Carcassona a Tolosa: 54-6, pels Dragonets fàcia a Avinhon: 50-22, e Albi contra Vilanòva: 40-4. Dimenge, Limós ganhava a Pià 20-12.
Quatre rescontres se jogaràn aqueste dissabte 18: lo dèrbi Lesinhan-Carcassona ja evocat e tanben un prometeire Avinhon-Albi, Dragonets-TO e Vilanòva-Pià. Dimenge, Limós reçauprà Sent Gaudenç.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
repais catar, pais catar, castels catar... O cossi vendre un epuracion religiosa a la moda francesa..
Lo repais Catar sarià mailèu una sarda sus una lesca d’arton amb’un vèire d’aiga del potz son coneiguts per èsser pas leps. Las mongetas pòdon passar…mas lo demai…..
La nòstra Manha Rompelomina vos va fliscar, mescresents que setz !
E vos balhi rendètz-vos aqueste divendres 167, a 18h, a la Bibliotèca de Sant-Amador ont, convidat per l'IEO-Arièja, parlarai de……… rugbí de XIII !
Repèish catar, caçolet (amb un flòc de carnifalha, supausi) -la famosa monjetada-, vin, rugbi, tota la cultura de la convivialitat, tota la nòstra cultura. Manca pas qu'un bal trad' per ac completar tot e ne fèr una brava festassa occitana, tanplan un brave festenal.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari