L’Ostal del Telh, centre cultural occitan de Cantal, a anonciat lo lançament d'una tièra de quatre vidèos promocionals ont se destaca la riquesa culturala e la diversitat de sas activitats. Aqueles vidèos son fruch d'una collaboracion unica entre l’Ostal del Telh, lo realizaire Amic Bedel e una classa de BTS Comunicacion del licèu Sant Guerau d’Orlhac.

Lo projècte fa partida d'un esfòrç de mediacion culturala per far conéisser las iniciativas de l’Ostal del Telh a un public mai larg e promòure sa mission de preservacion e promocion de la cultura occitana en Cantal.

Los vidèos, filmats amb las professionalitat e sensibilitat d’Amic Bedel, ofrisson una vision intima de las activitats e dels eveniments que se tenon a l’Ostal del Telh, coma de concèrts de musica tradicionala o obradors de dança e teatre.

La còla de l’Ostal del Telh se dison “encantats de collaborar amb los estudiants de BTS Comunicacion del licèu Sant Guerau d’Orlhac en aquel projècte esmovent” "Es una escasença unica per eles d'aplicar las siás competéncia dins un contèxt real, e per nosautres es una manièra meravilhosa de far conéisser lo nòstre trabalh dins lo Mond", çò concluson.

Los vidèos se pòdon veire sus la cadena YouTube de l’Ostal del Telh.

Cantal es un departament que correspond a las encontradas dels Monts de Cantal, d’Artensa, d’Aubrac, de Brivadés, Carladés, Castanhau, Marjarida, Mauriagués, Planesa e Sejalèir.