Bandièra01 capçalera  1180x150: Novestivada

Actualitats

crotz-tolosaCreated with Sketch.GuianaAgenésSèrras d'Agenés

Un engenhaire de Golfuèg voliá intrar dins la centrala nucleara amb un pistolet

Diguèt a la polícia qu’es un afogat dels tirs salvatges dins la natura. A pas de permés de pòrt d’arma

| Annie Pilote
Un engenhaire informatician de 42 ans, que trabalha a la centrala nucleara de Golfuèg (Sèrras d’Agenés), foguèt interpelat diluns passat amb una arma a fuòc segon las informacions que publiquèt dijòus La Dépêche.
 
Al ponch d’intrada dels salariats dins la centrala, los agents de seguretat contrarotlèron lo sac de l’emplegat e i trobèron un pistolet de calibre 7,65 millimètres. L’òme a pas de permés de pòrt d’arma e lo placèron en gàrdia a vista dins la gendarmariá de Valença d’Agen per l’interrogar.
 
L’informatician arrestat es un vesin dels Sarrasins (Bas Carcin). Auriá contat als policièrs qu’es un afogat dels tirs salvatges dins la natura e qu’auriá desmembrat de levar lo pistolet de sos afars personals après una session de tirs durant la velha.
 
Relargat après sa jornada d’interrogatòri, l’engenhaire serà lèu convocat davant lo tribunal de Montalban per transpòrt e detencion illegala d’arma.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pimflòid
3.

#1... O un roman de Stephen King (que pensi au "flèu" mei que mei)

  • 2
  • 0
Raimon Jordan Pena d'Albigés
2.

A ma coneissença, "Los Sarrasins", es a dire Castèl Sarrasin, es pas en Carcin Bas, mas en País Mondin. Es a Moissac que s'entamena lo Carcin Bas. E puèi, "los Sarrasins" dins un jornal d'informacion en occitan, aquò fa pas gaire serós, pas mai que "Barna" per Barcelona o "Panam" per París. Question de nivèl de lengatge, me sembla. Emplegar "Los Sarrasins", es coma "La Vila" per Vilafranca de Roèrgue, coma "L'Isla de Haut", per l'Isla En Jordan (del nom del sieu fondator occitan, o "l'Isla de bas" per l'Isla En Dodon, (del nom del sieu fondator occitan) : una familharitat un pauc desplaçada dins un tractat de geografia o dins un rendut-compte de prensa.

  • 4
  • 1
Amalric de Montreal Montreal de Carcassés
1.

"Un engenhaire de Golfuèg voliá intrar dins la centrala nucleara amb un pistolet", e l'aventura come,nça : un filme del grand Quentin Tarantino…

  • 3
  • 0

Escriu un comentari sus aqueste article