CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dissabte, 21 de setembre

Actualitats

Divendres, 11 d'octòbre de 2013, 03h00 Societat,Politica,Internacional

Fracturacion idraulica: las indústrias contra la lei Jacob

Los principals industrials d’extraccion de gas e de petròli de sistre per fracturacion idraulica fan pression sus l’estat francés contra la lei que n’enebís l’esplecha


Comentaris 6 comentaris    
Marrit Flac Bon Plan bon Fabulós (2 vòtes)
carregant En cargar


Rue 89 e TerraEco.net an publicat una lista de las òbras en cors e de las recèrcas suspèctas d’esplecha de gas e petròli de sistre per fracturacion idraulica dins l’estat francés. Doas zònas d’Occitània serián concernidas: vèrs Alès (Cevenas) e Gardana (País d’Ais). Totes cresiam que la batalha contra la fracturacion idraulica èra ganhada, los industrials diguèron ja que pretendrián cercar pas mai de gas e de petròli de sistre e lo govèrn francés adoptèt la lei Jacob, en julhet de 2011, qu’enebissiá l’esplecha d’idrocarburs liquids o gasoses per fracturacion idraulica; e aboliguèt los permeses exclusius de recèrcas per de projèctes qu’empleguèsson aquela tecnica. Mas, segon aquelas publicacions, los corredors de l’Assemblada estatala e los bancs dels tribunals son agitats pels industrials amb d’interèsses economics.
 
La fracturacion idraulica es una tecnica per far possibla o aumentar l’extraccion d’aqueles idrocarburs. Lo procediment consistís a injectar d’aiga e de sabla sota pression dins lo terren, per alargar las fracturas existentas dins lo substrat rocós que conten lo gas o lo petròli e ne favorir l’extraccion. S’agís d’una tecnica emplegada dins aperaquí 60% dels poses extractius del Mond, e l’usatge s’espandís als Estats Units.
 
Los risques socials e environamentals son fòrça elevats: contaminacion e subresplecha dels aqüifèrs, impacte sul païsatge, petits tèrratrems e agressions de la maquinariá pesanta dins d’encastres rurals. Pasmens, l’Associacion Estatsunidenca dels Fornidors de Gas Natural (NGSA) afirma que cap d’aqüifèr es pas estat contaminat.
 
Après l’intrada en vigor de la lei Jacob, comencèt “una guerrilha judiciària” segon Delphine Batho, èx-ministra de l’ecologia. Total foguèt la primièra companhiá a desforrelar l’espasa en depausant contra l’estat francés un recors administratiu, qu’es en espèra de jutjament. Dins lo meteis sens, la companhiá estatsunidenca Schuepbach Energy a sasit lo Conselh d’Estat d’una question prioritària de constitucionalitat (QPC). La societat texana estima que la lei Jacob es anticonstitucionala perque la tecnica de la fracturacion idraulica es autorizada pels actors de la geotermia. Mas lo Conselh Constitucional a respondut aqueste divendres en validant la constitucionalitat de la lei e en desestimant lo recors presentat.



publicitat
BANER1-2-3: DGPL DICTADES



Comentaris

11 d'octòbre 16.30h

#1 Arrestatz d'utilizar lo nom de nòstre grand trobador Pèire Cardenal. Trobatz un autre pseudonim.


Valoriza aqueste comentari:   votar positiu 8   votar negatiu 1
Respondre comentari replica Comentari inadeqüat   Formulari d'abús de comentari

11 d'octòbre 13.25h

Lo damatges causats per la fracturacion idraulica que son estats perfèitament documentats e demostrats, especiauments la pollucion de las jaças freaticas. Los qui n'ac vòlen pas compréner que son shords e òrbs per causida, puish a qu'an tota l'informacion e que hèn coma si ne l'avèn pas. Au véder las consequéncias, lo lor envuglèr qu'ei shens qu'estupide, qu'ei tanben criminau.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

11 d'octòbre 09.51h

Las leis servisson a garanttir l'independéncia de la societat civila e los interèsses publics en amont e plan mai en subre dels interèsses privats. Se que non, las leis servisson pas mai qu'a legalizar los trafecs mafioses e valon pas res mai.


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

11 d'octòbre 09.38h

#1 Ò podem bessai tanben pensar que siam a cavar totjorn mai pregondament sensa jamai s'enmaginar de solucions mai ecologicas...

En de mai, dobti grandament que vos agradaria que vòstre Leberon siegue tot borrotlat per ne'n traire de gas...

Siau segur que lei gents que trabalhavan dins l'amianta avian tota fisança dins lo progrès...


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

11 d'octòbre 05.55h

E ben! Se los texans començan de dire als franceses çò qu'es constitucional o pas...! Vertat es que geinarà pas los afogats de la "càontri", aqueles que, perque cargan stetson e boots, se creson modèrns amb la dansa del papèta.


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

11 d'octòbre 03.49h

mai de qu'avèm fach ambe lo petroli, senon de tot borrotlar dins leis entralhas de la tèrra, sènsa que i aguèsse de tèrra-tremol e de pluèias de meteroitas ? Perqué serià pas parier ambe lo gas de chiste -d'esquiste , escriu la setmana que ne saup mai que leis autres ? un pauquet de confiança dins lo ,progrès e la fè dins l'an que ven, aquo farià pas mau e de bramar contra lo gas, mentre que totis gausissèm d'energia a boudre e que ne volèm totjorn que mai ... avèm après a viure... Legir mai


Valoriza aqueste comentari:   votar positiu 1   votar negatiu 8
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 19
  • sol Aush 19
  • sol Bordèu 19
  • sol Briançon 11
  • sol Caors 18
  • sol Carcassona 21
  • sol Clarmont-Ferrand 16
  • sol Confolent 15
  • sol Gap 8
  • sol La Canau 20
  • sol La Gàrdia 16
  • sol Limòtges 17
  • sol Lo Borg Sant Dalmatz 13
  • sol Lo Puèi de Velai 13
  • sol Marselha 19
  • sol Montpelhièr 20
  • sol Naut Aran 16
  • sol Niça 18
  • sol Nimes 17
  • sol Pau 18
  • sol Peireguers 17
  • sol Rodés 20
  • sol Tolon 20
  • sol Tolosa 20
  • sol Valença 17

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Omenatge a Aragon. © Franc Bardòu

    Omenatge a Aragon

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • © Laurenç Revèst

    Dau castèu de Grimaud

  • © Laurenç Revèst

    Menton, 'a vivaroalpenca maritima

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • © Laurenç Revèst

    Fòrt Maginòt de Sant Anhe

  • © Laurenç Revèst

    Fòrt Maginòt de Sant Anhe

  • © Conselh Generau d'Aran

    Lo Torn de França 2016 en Aran

  • © Laurenç Revèst

    Fòrt Maginòt de Sant Anhe

  • La Primada de Montsegur 2013. © Bruno Sapena

    La Primada de Montsegur 2013

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • Valadas. © Xavi Gutiérrez Riu

    Valadas

  • © Franc Bardòu

    Asuèlhs Bigordans

  • © Margaria Pepin

    Adobament dal Grand Prèmi de Mónegue de 2014

  • © Zep Armentano

    XI prèmis Gaudí de l'Acadèmia Catalana del Cinèma

  • Gavotina marítima: trofèu d'August e vila vielha d'A Torbia

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • © Aure Séguier

    Carnaval Biarnés 2017

  • © Franc Bardòu

    Asuèlhs de Lauragués

  • © Laurenç Revèst

    Fòrt Maginòt de Sant Anhe

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)