Dos menors de set e de dètz ans moriguèron ièr, dimenge de matin, quand un esboldrament casèt sus lor ostal a Liéusola (Val de Tiniá). Una rocassa se destaquèt a 100 mètres al dessús de la bastissa a l’entorn de 4h, segon d’informacions de France Info. Los cinc adultes qu’èran dins l’ostal an subreviscut.
“Es estat un malastre. 90% dau temps la muanda es pas ocupaa”, çò expliquèt lo cònsol de Liéusola, Jean-Marie Bogini. Mas en aquel moment, i aviá doas familhas dins l’ostal.
Localizèron los dos enfants mòrts demièg los tarcums mercé als cans de salvament. Aperaquí 70 pompièrs anèron sus plaça.
La geològa Alexia Faure expliquèt als mèdias que la ròca destacada èra d’aperaquí 50 mètres cubes, e la causa de l’esboldrament seriá “las geladas e los desgèls successius” dins las formacions rocosas.
Nice Matin ne publica d’informacions detalhadas e de vidèos.
“Es estat un malastre. 90% dau temps la muanda es pas ocupaa”, çò expliquèt lo cònsol de Liéusola, Jean-Marie Bogini. Mas en aquel moment, i aviá doas familhas dins l’ostal.
Localizèron los dos enfants mòrts demièg los tarcums mercé als cans de salvament. Aperaquí 70 pompièrs anèron sus plaça.
La geològa Alexia Faure expliquèt als mèdias que la ròca destacada èra d’aperaquí 50 mètres cubes, e la causa de l’esboldrament seriá “las geladas e los desgèls successius” dins las formacions rocosas.
Nice Matin ne publica d’informacions detalhadas e de vidèos.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari