Actualitats
Gearóid Mac Ádhaimh detengut per un assassinat de l’IRA de 1972
Lo dirigent del Sinn Féin es acusat d’èsser restacat amb la mòrt de Jean McConville
Lo cap del Sinn Féin, Gearóid Mac Ádhaimh (Gerry Adams), foguèt detengut dimècres passat per la polícia del nòrd d’Irlanda, acusat d’èsser restacat amb l’assassinat de Jean McConville que se passèt en 1972. McConville, una veusa de trenta sèt ans e maire de dètz enfants, foguèt sequestrada a son ostal de la zòna Divis de Béal Feirste (Belfast) e assassinada d’un tir per l’IRA, que l’acusava d’aver espionat pels servicis britanics. Son còrs foguèt recuperat sus una plaja en 2003.
Segon çò que rapòrta la BBC, la polícia ditz qu’un òme de seissanta cinc ans se presentèt al comissariat de polícia d’Aontroim (Antrim). En un comunicat, Gearóid Mac Ádhaimh explica que lo mes passat li diguèron que deviá èsser disponible per parlar amb la polícia sus l’afar de McConville: “Volontàriament, soi anat aqueste ser a la reünion”.
Lo partit republican difondèt tanben dimècres las declaracions de Gearóid Mac Ádhaimh, qu’abans de se presentar al comissariat, ja defendèt la siá innocéncia dins l’afar de Jean McConville. “Cresi que l’assassinat de Jean McConville e l’enterrament secret del sieu còrs foguèron una marrida causa e foguèron una injustícia per ela e sa familha”, çò diguèt Gearóid Mac Ádhaimh.
“S’es fach d’acusacions maliciosas contra ieu que refusi. Soi innocent de tota participacion que siá a la sequestracion, l’assassinat o l’enterrament de Dòna McConville”, çò apondèt.
La detencion de Gearóid Mac Ádhaimh arriba après que lo mes passat se detenguèt ja un cap istoric de l’IRA, Ivor Bell, qu’a ara 77 ans. Bell expliquèt als academicians del Boston College dels Estats Units lo sieu passat dins l’organizacion armada de l’IRA, e malgrat que los enregistraments se deguèsson difondre solament après sa mòrt, son arribats en mans de la justícia e poirián èsser ligats a las detencions recentas.
Segon çò que rapòrta la BBC, la polícia ditz qu’un òme de seissanta cinc ans se presentèt al comissariat de polícia d’Aontroim (Antrim). En un comunicat, Gearóid Mac Ádhaimh explica que lo mes passat li diguèron que deviá èsser disponible per parlar amb la polícia sus l’afar de McConville: “Volontàriament, soi anat aqueste ser a la reünion”.
Lo partit republican difondèt tanben dimècres las declaracions de Gearóid Mac Ádhaimh, qu’abans de se presentar al comissariat, ja defendèt la siá innocéncia dins l’afar de Jean McConville. “Cresi que l’assassinat de Jean McConville e l’enterrament secret del sieu còrs foguèron una marrida causa e foguèron una injustícia per ela e sa familha”, çò diguèt Gearóid Mac Ádhaimh.
“S’es fach d’acusacions maliciosas contra ieu que refusi. Soi innocent de tota participacion que siá a la sequestracion, l’assassinat o l’enterrament de Dòna McConville”, çò apondèt.
La detencion de Gearóid Mac Ádhaimh arriba après que lo mes passat se detenguèt ja un cap istoric de l’IRA, Ivor Bell, qu’a ara 77 ans. Bell expliquèt als academicians del Boston College dels Estats Units lo sieu passat dins l’organizacion armada de l’IRA, e malgrat que los enregistraments se deguèsson difondre solament après sa mòrt, son arribats en mans de la justícia e poirián èsser ligats a las detencions recentas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Dins la resisténcia a l'ocupant nacional-socialista, los Resistents, n'avem refregits mai d'un que passavan d'informacions a la milícia veichista o a la deutsche politzei. Puèi, al final de la guèrra, nos medalhèron per aver resistit… En Irlanda ocupada del nòrd, te fican en preson per mens qu'aquò. Parlas d'una democracia !
Malgrat tota la simpatia que tèni pels republicans irlandeses, pensi qu'aver demorat 30 ans al cap d'un partit, aquò flaira pas bon per la democracia e la vitalitat intèrna del partit. Benlèu los britannics vòlon un nòu interlocutor e pas un que sentís la naftalina? Per aquò far auràn causit de sortir aqueste afar ara?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari