Las eleccions regionalas e departamentalas de l’estat francés, qu’èran previstas per març de 2015, seràn reportadas a decembre de la meteissa annada, segon çò que raportèt ièr lo pòrtavotz del govèrn francés, Stéphane Le Foll.
 
Lo president francés, François Hollande, aviá ja demandat a Manuel Valls, lo 6 de mai passat, d’accelerar la reforma territoriala per la veire arribar abans aquel vòte.
 
Donc, en decembre de 2015, veirem dins l’estat francés d’eleccions regionalas amb lo nòu decopatge que prevei una França metropolitana fòrça mai centralizada, amb 14 regions en plaça de las 22 existentas.
 
Ara: aquelas eleccions venián d’èsser reportadas de 2014 a 2015 per evitar un nombre tròp seguit d’eleccions. L’oposicion i vei una manòbra per limitar l’amplor d’una possibla desfacha a las eleccions senatorialas de setembre que ven.