Bandièra01 1180x150: La Passem

Actualitats

Cultura

“E se cantar occitan uèi èra causir la lenga de la resisténcia d’una tribú dissidenta?”

“Trobadors, un voyage occitan”: l’Occitània musicala entre mar e montanha

Tèxte legit

Aquesta setmana, Maritima TV, la television locala de l’Estanh de Bèrra, prepausa en difusion “Trobadors, un voyage occitan”. S’agís d’un filme de 60 minutas distribuit per Tita Productions, boita de produccion de Marselha; qu’es estat realizat per Sarah Benillouche, realizaira tunisiana, que daissèt París fa 6 ans per s’anar installar en Provença.


A l’escasença d’una passejada dins lo quartièr de la Plana, Benillouche encontrèt Manu Theron e lo Còr de la Plana, e espeliguèt l’idèa d’aquel filme.
 
Vos menarà dins un viatge a l’encontre de musicians afogats d’oralitat, que tot en se marcant dins la transmission, tornan inventar la tradicion, amb per amira d’obrir lo questionament sul tèma “E se cantar occitan uèi èra causir la lenga de la resisténcia d’una tribú dissidenta?”.
 
Una passejada que vos menarà de la musica de transis berbèrs del Còr de la Plana fins al piemont bearnés amb Joan Francés Tisnèr, en passant per l’scat mesclat de jazz e de cant gascon de Dédé Minvielle, las ajustas vocalas dels Fabulous Trobadors, lo cant roergàs de Renat Jurié o encara las voses de femnas de La Mal Coiffée, en tot vos mostrar que las palancas entre totas aquelas musicas son mai nombrosas que non pas las diferéncias.
 
Lo filme es difusat dimècres 13 de junh a 8h30 del matin, dijòus 14 a 22h30 e divendres 15 a 11h15 e 16h sus Maritima TV.
 
 
 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Cedric de Radio Occitania Tolosa
4.

#3 Danis cresi qu'es de la realisatritz, te mandi lo seu contacte

  • 0
  • 0
Danis Bordèu
3.

Aquela frasa aqui que servis de titre (“E se cantar occitan uèi èra causir la lenga de la resisténcia d’una tribú dissidenta?”) m'interessa. Es que qualqu'un me sauria dire de qual es ? Manu Théron ?

  • 2
  • 0
Cédric de Radio Occitania Tolosa
2.

Es clar mas bon cal faire amb. Per contra coma lo m'espliquet dins l'entrevista la realisatritz es interessada per aver retorns sul seu filme (e es en cerca tanben d'endreits de difusion)

  • 2
  • 0
Pirolet
1.

Ara esperam lo film sus Paris 2, vòli dire sus France 2, en praim taim. A, es vertat! doblidavi que sèm sus la talvèra...

  • 0
  • 0

Escriu un comentari sus aqueste article