Actualitats
John Kerry a prepaus de Gaza: “es una operacion infernala”
Lo cap diplomatic estatsunidenc mostrèt son vejaire quand cresiá que las camèras de television l’enregistravan pas
Lo secretari d’estat estatsunidenc, John Kerry, sofriguèt diluns d’un marrit còp quand l’entrevistavan per la cadena de television Fox. Kerry cresiá qu’èra pas en dirècte e parlèt per telefòn relaxadament sul conflicte qu’es a se debanar en la Lista de Gaza: “Es una operacion infernala”, çò disiá Kerry a son interlocutor. “Que diable d’operacion millimetrica… aquò es un baujum. Es una foliá de demorar aicí. I caldriá anar quitament anuèch”.
Puèi, dins l’entrevista, lo jornalista Chris Wallace li pausèt una question sus çò que veniá de dire mas aquí Kerry respondèt qu’“aqueste tipe d’operacions es fòrça malaisit”, çò diguèt, e quitament apondèt: “sostenèm lo drech d’Israèl de se defendre davant las roquetas que li tiran de longa. L’Hamas a començat aquela dinamica. Es una vergonha”.
Obama e l’ÒNU exprimisson lor chepic
De son costat, lo president dels Estats Units, Barack Obama, mostrèt son chepic pel nombre de mòrts e la pèrda de soldats israelians e anoncièt que Kerry anariá lèu sus plaça per negociar una alta al fuòc, segon çò que rapòrta Vilaweb.
Lo Conselh de Seguretat de l’ÒNU demandèt ièr “la fin immediata de las ostilitats” e exprimiguèt tanben son chepic per l’aument de las violéncias dins la Lista de Gaza.
“Los membres del Conselh de Segurat exprimission lor chepic seriós per l’aument de la violéncia liada amb Gaza”, çò ditz lo tèxt aprovat, que fa una crida “al respècte de las leis umanitàrias internacionalas, en tot inclure la proteccion dels civils”.
74 personalitats demandan un embarg internacional de las armas vèrs Israèl
Setanta quatre personalitats publicas, dont sèt Prèmis Nobel de la patz, an demandat a totes los païses del Mond de far un embarg internacional de las armas vèrs l’estat d’Israèl, pr’amor de “crimes de guèrra” dins la Lista de Gaza.
Amb una letra dobèrta publicada dins The Guardian, los signataris planhon “qu’un cop de mai”, l’armada ataque “la populacion palestiniana”.
La letra l’an signada de personalitats coma Noam Chomsky, Rigoberta Menchú, Desmond Tutu, Étienne Balibar, Federico Mayor Zaragoza e d’autras celebritats, qu’entre elas cal remarcar que i a de sabents israelians.
Puèi, dins l’entrevista, lo jornalista Chris Wallace li pausèt una question sus çò que veniá de dire mas aquí Kerry respondèt qu’“aqueste tipe d’operacions es fòrça malaisit”, çò diguèt, e quitament apondèt: “sostenèm lo drech d’Israèl de se defendre davant las roquetas que li tiran de longa. L’Hamas a començat aquela dinamica. Es una vergonha”.
Obama e l’ÒNU exprimisson lor chepic
De son costat, lo president dels Estats Units, Barack Obama, mostrèt son chepic pel nombre de mòrts e la pèrda de soldats israelians e anoncièt que Kerry anariá lèu sus plaça per negociar una alta al fuòc, segon çò que rapòrta Vilaweb.
Lo Conselh de Seguretat de l’ÒNU demandèt ièr “la fin immediata de las ostilitats” e exprimiguèt tanben son chepic per l’aument de las violéncias dins la Lista de Gaza.
“Los membres del Conselh de Segurat exprimission lor chepic seriós per l’aument de la violéncia liada amb Gaza”, çò ditz lo tèxt aprovat, que fa una crida “al respècte de las leis umanitàrias internacionalas, en tot inclure la proteccion dels civils”.
74 personalitats demandan un embarg internacional de las armas vèrs Israèl
Setanta quatre personalitats publicas, dont sèt Prèmis Nobel de la patz, an demandat a totes los païses del Mond de far un embarg internacional de las armas vèrs l’estat d’Israèl, pr’amor de “crimes de guèrra” dins la Lista de Gaza.
Amb una letra dobèrta publicada dins The Guardian, los signataris planhon “qu’un cop de mai”, l’armada ataque “la populacion palestiniana”.
La letra l’an signada de personalitats coma Noam Chomsky, Rigoberta Menchú, Desmond Tutu, Étienne Balibar, Federico Mayor Zaragoza e d’autras celebritats, qu’entre elas cal remarcar que i a de sabents israelians.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Botar en plaça en embarg, aquò còsta temps e esfòrces : prepausi de levar l'embarg actual injustificable contra Cuba per o transferir tant absoludament contra Israèl, tant que torna pas noirir d'intencions clarament democraticas, laïcas e egalitaristas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari