Bandièra01 1180x150: País Invisible

Actualitats

Dins la vila de Kobanê

Una reportaira e un fotograf-jornalista de Le Monde son anats dins la vila assetjada per l’Estat Islamic

E mai s’a ja perdut l’atencion dels mèdias, la vila curda de Kobanê resistís al sètge de l’Estat Islamic. Los durs atacs del movement jihadista an pas reüssit a ocupar completament la capitala d’una de las tres regions autonòmas del Curdistan occidental, gràcias a la resisténcia de las Unitats de Proteccion Populara (YPG) qu’an l’ajuda sul terren de qualques centenats de peshmèrgas del Curdistan meridional e de milicians de l’Armada Liura Siriana, e per aire gràcias als bombardaments de la coalicion internacionala contra las posicions de l’Estat Islamic.
 
La defensa de la vila, que se tròba devastada pels combats, contunha tres mèses puèi, e aquò se pòt constatar dins un reportatge interactiu qu’a publicat Le Monde. La reportaira Edith Bouvier e lo fotograf-jornalista Jake Simkin explican amb de tèxtes e de fòtos la vida dels refugiats qu’an fugit la vila, la vida dels diferents còrses de combatents que defendon la vila, de las cinc cents familhas que son tornadas...
 
Lo reportatge mòstra un imatge complet de la situacion actuala de Kobanê, que lo 70% n’es estat reconquistat contra l’Estat Islamic.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

El Tàrrega Igualada (PP.CC.)
1.

Nomès vull saber qui alimenta aquests jihadistes, i perquè son tan forts.
No sols per la simpatia que tinc pel poble Kurd, sinò que veïent les atrocitats que fan els voldria fora d'aquí, que vagin a viure a un lloc tant horrible com ells, perquè tot el que toquen és converteix en quelcom d'horrrorós.
Ànim als milicians kurds que pensin que tot el món civilitzat està amb ells.
Com diem aquí: Visca la Terra...Lliure
"El Tàrrega".

  • 1
  • 0

Escriu un comentari sus aqueste article