Lo “parkour”, o art del desplaçament, es una practica que dins las darrièras annadas es tornarmai de mòda e que consistís a se desplaçar per l’entrevescament urban o natural en despassant los obstacles amb de sauts e en emplegant pas que lo còrs coma ressorsa. Òm nomena sovent David Belle coma creator d’aquela disciplina, mas de verai i aviá de gents que practicavan aquel espòrt dempuèi longtemps, e mai s’òm lo nomenava pas “parkour”. Un exemple es aqueste vidèo que vos ofrissèm ont se pòt veire las estonantas valentiás d’aquel òme dels ans 1930 del sègle passat.