Actualitats
La BCE rebaissa sa taxa d’interès director a zèro e aumentarà las crompas dels deutes fins a 80 miliards
Pagarà a las bancas que lor prèsta d’argent s’ofrisson de finançament a l’economia reala
Decision istorica de la Banca Centrala Europèa (BCE): l’entitat que la presidís Mario Draghi decidiguèt dijòus passat de rebaissar sa taxa d’interès director fins al 0%, en seguida de la bassa inflacion, que se situèt al —0,2% en febrièr. La BCE a retalhat tanben las taxas marginalas de crèdit fins al 0,25%, e las taxas que s’aplican a la facilitat de depaus, que passaràn del —0,30% al —0,40%. Aquelas tres baissas s’aplicaràn a partir del 16 de març. En mai d’aquò, Frankfurt a anonciat qu'aumentarà lo sieu programa de crompa de deute fins als 80 miliards d’èuros mesadièrs a partir del 1r d’abril. Fins ara, las crompas èran d’aperaquí 60 miliards d’èuros.
Pendent sa reünion, lo conselh dels governadors de la BCE aprovèt tanben de començar en junh quatre injeccions de liquiditat (TLTRO II), e d’alargar los títols que se pòdon inclure regularament dins sas crompas de deute.
Las taxas d’interès de referéncia dins l’Èurozona se situaràn al 0% pel primièr còp dempuèi la creacion de l’èuro, d’après la decision de Francfòrt. Las taxas se son rebaissadas del 0,05% —qu’es lo nivèl ont èran dempuèi setembre de 2014— fins al 0%.
Una autra de las decisions de la BCE implica qu’encaissarà mai d’argent de las bancas per lor gardar lor liquiditat. Las taxas d’interès que s’aplican a la facilitat de depaus èran ja negativas, e o seràn mai encara: passaràn del —0,3% al —0,4%. Aquò vòl dire que las bancas deuràn pagar un 0,1% de mai per servar lor argent, e alavetz poirián preferir de l’injectar dins l’economia reala.
Pagarà a las bancas que lor prèsta d’argent
La Banca Centrala Europèa pagarà a las bancas que lor prèsta d’argent, se l’emplegan per finançar l’economia reala. Draghi soslinhèt que los quatre nòus programas de liquiditat, que metrà en marcha la BCE en junh que ven, sortiràn amb la taxa d’interès del 0%, que se poirà rebaissar fins al —0,4% per las bancas que prèstan mai d’argent a las entrepresas e als particulars. Segon Draghi, s’agís de la “reaccion adeqüata” a una creissença mai flaca de çò que se prevesiá e tanben a la bassa inflacion. Del mai las entitats prepausaràn de crèdit, del mai ne poiràn recebre de la BCE, çò precisèt.
Pendent sa reünion, lo conselh dels governadors de la BCE aprovèt tanben de començar en junh quatre injeccions de liquiditat (TLTRO II), e d’alargar los títols que se pòdon inclure regularament dins sas crompas de deute.
Las taxas d’interès de referéncia dins l’Èurozona se situaràn al 0% pel primièr còp dempuèi la creacion de l’èuro, d’après la decision de Francfòrt. Las taxas se son rebaissadas del 0,05% —qu’es lo nivèl ont èran dempuèi setembre de 2014— fins al 0%.
Una autra de las decisions de la BCE implica qu’encaissarà mai d’argent de las bancas per lor gardar lor liquiditat. Las taxas d’interès que s’aplican a la facilitat de depaus èran ja negativas, e o seràn mai encara: passaràn del —0,3% al —0,4%. Aquò vòl dire que las bancas deuràn pagar un 0,1% de mai per servar lor argent, e alavetz poirián preferir de l’injectar dins l’economia reala.
Pagarà a las bancas que lor prèsta d’argent
La Banca Centrala Europèa pagarà a las bancas que lor prèsta d’argent, se l’emplegan per finançar l’economia reala. Draghi soslinhèt que los quatre nòus programas de liquiditat, que metrà en marcha la BCE en junh que ven, sortiràn amb la taxa d’interès del 0%, que se poirà rebaissar fins al —0,4% per las bancas que prèstan mai d’argent a las entrepresas e als particulars. Segon Draghi, s’agís de la “reaccion adeqüata” a una creissença mai flaca de çò que se prevesiá e tanben a la bassa inflacion. Del mai las entitats prepausaràn de crèdit, del mai ne poiràn recebre de la BCE, çò precisèt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Bonjorn,
L'UE es ben una preson dels pòbles , mas o cal pas dire , que los occitanistas espèran mai que mai ( o fan mina , espèri ieu) l'ajuda euròpenca pernos endralhar sul camin de la libertat qu'a pas avancar d'un pas. Sagrat Mario a trobat la clau , va donar 130 millards de mai a las bancas privadas a 0% per que nos los presten a 4 % . Aquò's la lei de l'ofèrta coma dison , se'n chautan que la demanda sia al nivèl zerò e lo caumatge al pus naut. Melhor l'UE va donar 6 millards a la Turquia per que contunhèsse de tuar los Kurdes , per que pòsca contunhar de somiar a son raisve d'emperi , d'escanar los Kurds e se'n servir coma de moneda d'escambi. L'UE es ben una preson fabricada per las bancas , la financa e l'OTAN . E l'Occitània deu tot far per se sortit d'aquèla sanha leu leu , coma los angleses que son lo pòble lo pus intelligent de la Tèrra per se sauvar del fangas las pòchas plenas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari