Bandièra01 capçalera  1180x150: Botiga

Actualitats

Tròban près de l’illa grèga de Karpathos las rèstas de l’avion d’Egyptair qu’anava de París al Caire

I aviá 56 passatgièrs e 10 membres de l’esquipatge a bòrd



Las còlas de salvament an trobat las rèstas de l’avion d’Egyptair desaparegut amb seissanta sièis personas a bòrd, aqueste dijòus de matin, quand fasiá rota entre París e lo Caire. L’avion es casut a la mar, près de l’illa grèga de Karpathos. Èra un Airbus 320, del vòl 804, qu’èra sortit de l’aeropòrt Charles de Gaulle de la capitala francesa a 23h04 e que deviá arribar al Caire dins la matinada. Vèrs 4h30 emetèt un senhal d’emergéncia.

La companhiá a informat que los pilòts tenián una experiéncia longa. De fach, lo director del departament de l’Aviacion Civila grèga, Kostas Litzerakis, a confirmat que lo pilòt “aviá pas fach allusion a cap de problèma” pendent lo darrièr contacte, mentre que l’avion subrevolava l’illa de Kea.



L’avion a desaparegut subran del radar dels contrarotlaires grècs sens emetre cap de senhal de secors quand èra encara subre la Mediterranèa, en se sarrant de la còsta d’Egipte. Ni la companhiá aeriana ni los govèrns francés e egipcian an pas volgut avançar cap d’ipotèsi sus lo fach. Ça que la, l’agéncia de notícias Associated Press a informat, en citant de fonts oficialas, que l’avion s’èra escrachat.



I viatjavan cinquanta sièis passatgièrs, entre eles tres enfants. Segon l’aerolinha, trenta èran egipcians, quinze franceses, dos iraquians, un britanic, un saudita, un kowaitian, un portugués, un chadian, un sodanés, un argerian e un bèlga.

La companhiá a anonciat que s’èra enviat de còlas de salvament dins la zòna ont a desaparegut la traça de l’avion. L’armada egipciana e las autoritats grègas i collabòran.

Vaicí la trajectòria de l’avion, fins al moment qu’a desaparegut.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma de mallorca
1.

Cresi que son los de l'EI, Mas cal esperar,perquè aqueste avion portava aqueste matin quatre viatges largs, e lo de l'accident foguet lo cinquen. Trop de viatges per un matin.

  • 0
  • 0

Escriu un comentari sus aqueste article