CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimars, 22 d'octòbre

Actualitats

Divendres, 30 de decembre de 2016, 03h00 Politica,Internacional

Cossí se crearà la nòva Republica de Catalonha e Aran?

An presentat la lei que s’aplicarà en seguida del referendum, qu'evitarà que i aja cap de void juridic dins l’accès a l'independéncia


Comentaris 2 comentaris    
Marrit Flac Bon Plan bon Fabulós (8 vòtes)
carregant En cargar


Un dels eveniments politics màgers de l’an qu’arriba serà, sens cap de dobte, lo referendum per l’independéncia de Catalonha e Aran. Mas cossí serà efectiva aquela independéncia se la majoritat i vòtan en favor? Presentèron ièr lo projècte de lei de transitorietat, que s’aplicarà en aquel cas, en seguida del referendum, e que son primèr article ditz :“Catalonha se constituís en una Republica de drech, democratica e sociala”.
 
Aquel tèxt es lo fruch de sièis meses de debats menats amb una discrecion maximala, pels representants dels grops independentistas del Parlament de Catalonha (Junts pel Sí –Amassa per l’Òc–  e CUP), qu’ensems constituisson la majoritat absoluda. La tòca d’aquela lei es de garentir dins una seguretat juridica maximala la transicion de Catalonha e Aran devèrs una republica independenta. Lo tèxt de la lei es pas encara publicat per evitar las accions suspensivas de l'estat espanhòl.
 
La lei conten las seccions seguentas:
 

Preambul
1. Disposicions generalas, nacionalitat e territòri;
2. La succession d’ordenaments e d’administracions;
3. Los dreches e los devers;
4. Lo sistèma institucional;
5. Lo poder judiciari e l’administracion de la justícia;
6. Las finanças;
7. Referendum d’independéncia;
8. Lo procès constituent;
9. Disposicions finalas e derogatòrias.
 
Ara, Junts pel Sí e CUP son a cercar lo biais d’incorporar lo grop esquerrista nomenat Catalonha Si Que Se Pòt (CSQEP, segon la sigla catalana) a la preparacion e la convocacion del referendum. Per aquela rason, la setena seccion d’aquela lei se deu encara completar en esperant las proposicions dels representants de CSQEP.
 
 
Una lei qu’establís la nòva legalitat d’un país nòu
 
La lei de transitorietat juridica es l’instrument legislatiu principal de la desconnexion d’Espanha e l’establiment de la nòva legalitat catalana. Es la lei que deu permetre la creacion d’una nòva legalitat derivada del mandat democratic e qu'evitarà que i aja cap de void juridic dins l’accès a l'independéncia.
 
Regularà los elements basics, coma lo territòri, la nacionalitat, lo ciutadanatge, lo regim de las lengas e las institucions de govèrn e, de mai, declararà la continuitat —franc de las excepcions qu'ajan negociat d’i comprene los partits— de l’aplicacion dels actuals drech catalan, drech espanhòl, drech de l'UE e drech internacional.
 
La lei també preveurà la continuitat —per mejan de subrogacion— dels contractes de l’estat espanhòl e de la Generalitat de Catalonha e la possibilitat que los foncionaris e los salariats que prèstan lors servicis a l’administracion de l’estat espanhòl en Catalonha e Aran se pòscan integrar a l’administracion del nòu estat independent.
 
 
E Aran?
 
Per ara es pas encara public l’estatut de la Val d’Aran dins aquela lei. Pasmens, de fonts del Parlament de Catalonha an confirmat a Jornalet qu’es un tèma que se’n parla. Aquelas fonts confirman que se manten l’actuala Lei d’Aran e la bilateralitat entre los govèrns de Barcelona e de Vielha, e tanben l’oficialitat de la lenga occitana.
 
En mai d’aquò, se parla de garentir als araneses lor drech de decidir, ratificat pel Parlament de Catalonha. Per tant, après lo referendum, la Val d’Aran deu començar son procès per decidir l’avenir del país occitan: far partida de la nòva republica, demorar al reialme d’Espanha o venir un petit estat independent.


Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.



publicitat
BANER1-2-3: DGPL TRADUCTOR



Comentaris

31 de decembre 20.51h

Saber coma pensan que sia la republica catalana, es pas una causa dolenta. Mas cresi que la dreta catalana es tamben messorguiera e lo que vol es governar, e fotre retalhadas a los trabalhadors.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

30 de decembre 09.39h

Adixatz a tots , aquera republica n'ei pas encòra heita , e non n'ei pas ganhat eth darrèr sondatge heit en Catalonha qu'ensenhat qu'eth non ar'independencia passa ath davant deth òc ? de pòc de punts mès d'avant totun .A mes.


Valoriza aqueste comentari:   votar positiu 3   votar negatiu 12
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Tresmudar un problèma politic en un problèma d’òrdre public

Dempuèi longtemps l’estat espanhòl refusa de resòlver politicament lo problèma politic que ten en Catalonha. Ara, après l’enòrma indignacion ciutadana ...
giny

Lo temps

Mapa
  • sol Agen 11
  • sol Aush 10
  • sol Bordèu 11
  • sol Briançon 11
  • sol Caors 7
  • sol Carcassona 13
  • sol Clarmont-Ferrand 9
  • sol Confolent 10
  • sol Gap 9
  • sol La Canau 11
  • sol La Gàrdia 16
  • sol Limòtges 9
  • sol Lo Borg Sant Dalmatz 14
  • sol Lo Puèi de Velai 11
  • sol Marselha 15
  • sol Montpelhièr 15
  • sol Naut Aran 8
  • sol Niça 18
  • sol Nimes 15
  • sol Pau 12
  • sol Peireguers 8
  • sol Rodés 11
  • sol Tolon 9
  • sol Tolosa 12
  • sol Valença 12

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • Briga (val de Ròia)

  • País de Rasés. © Franc Bardòu

    País de Rasés

  • © Zep Armentano

    XI prèmis Gaudí de l'Acadèmia Catalana del Cinèma

  • Vaquí lo vilatge provençau alpin de l’ostau amb montanhas, glèisas, ostaus, santons,..., dei Aups de Nauta Provença amb la bandièra nostra!  © Quentin Willaume

    Concors de Nadal de Jornalet: Cossí se passan las Calendas en cò vòstre?

  • © Maria Millan

    22u corsa Aran per sa Lengua (26-7-2015)

  • Omenatge a Aragon. © Franc Bardòu

    Omenatge a Aragon

  • Conferéncia de Yan Lespoux sus las relacions occitanocatalanas en Malhòrca (11.05.2017)

  • Niça vièlha en occitan niçard. © LR

    Niça vièlha en occitan niçard

  • A Gavotina marítima: Recabruna Cab Martin, a vila vielha e o castèl dau sécolo X

  • Lo grand passacarrièra de Rodés. Occitan Pride 2013

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • Val d'Aran, cap de Gasconha

  • Zep Armentano

    25au Corsa Aran per sa Lengua

  • © Laurenç Revèst

    Cavairac, Vau Naja (Costièra de Nimes)

  • © Laurenç Revèst

    Cavairac (Costièra de Nimes)

  • © Conselh Generau d'Aran

    Lo Torn de França 2016 en Aran

  • © Laurenç Revèst

    Per las carrièiras de Someire, lo pont cobèrt per la ciutat vidorlenca

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Franc Bardòu

    País Bordalés

  • © Laurenç Revèst

    Nimes e preséncia d'occitan

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Que pensas de las senténcias de 9 a 13 ans de preson contra los nòu nauts representants independentistas catalanas?


4%



2%



93%



0%




Vots 92 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)