Actualitats
La violéncia en Ucraïna daissa de milièrs d’enfants sens aiga, calfatge ni escòla
L'Unicèf avertís qu'un grand nombre de menors son victimas d’estransi e que las infrastructuras d’Avdiivka an patit de damatges importants pendent los darrièrs jorns
L’aument dels afrontaments a Avdiivka, a l’èst d’Ucraïna, a provocat qu’aperaquí 17 000 personas, dont 2500 enfants, ajan pas d’accès a l’electricitat ni a l’aiga potabla, çò denoncièt dimècres passat lo Fons de l’ÒNU pels enfants (Unicèf), qu’avertiguèt del barrament de sièis escòlas de la region.
L’agéncia de l’ÒNU alèrta qu'un grand nombre de menors son victimas d’estransi e que las infrastructuras d’Avdiivka an patit de damatges importants pendent los darrièrs jorns.
“Lo conflicte met pas solament en perilh la vida dels milièrs d’enfants, mas la manca d’aiga e d’electricitat fa dels fogals d’endreches de mai en mai perilhoses a causa del fred”, çò soslinhèt la representanta de l’Unicèf en Ucraïna, Giovanna Barberis. “L’organizacion reclama un accès segur per efectuar sul pic los adobaments necessaris de las infrastructuras per tal de prevenir un aument de la sofrença d’aquelas familhas e enfants”, çò precisèt.
Las talhadas d’electricitat an provocat l'interrupcion del porgiment d’aiga d’una de las sèrvas màgers de la vila, necessària pels sistèmas de calfatge. La davalada de las temperaturas, a l’entorn de mens 17 grases, poiriá aver de consequéncias catastroficas pels residents de la vila.
L’agéncia de l’ÒNU alèrta qu'un grand nombre de menors son victimas d’estransi e que las infrastructuras d’Avdiivka an patit de damatges importants pendent los darrièrs jorns.
“Lo conflicte met pas solament en perilh la vida dels milièrs d’enfants, mas la manca d’aiga e d’electricitat fa dels fogals d’endreches de mai en mai perilhoses a causa del fred”, çò soslinhèt la representanta de l’Unicèf en Ucraïna, Giovanna Barberis. “L’organizacion reclama un accès segur per efectuar sul pic los adobaments necessaris de las infrastructuras per tal de prevenir un aument de la sofrença d’aquelas familhas e enfants”, çò precisèt.
Las talhadas d’electricitat an provocat l'interrupcion del porgiment d’aiga d’una de las sèrvas màgers de la vila, necessària pels sistèmas de calfatge. La davalada de las temperaturas, a l’entorn de mens 17 grases, poiriá aver de consequéncias catastroficas pels residents de la vila.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo govern golpista d'Ucraina d'extrema dreta, finançat per l'UE e l'Imperi, està bombardejat la poblacion civil russa.
lo nacionalisme polonés qu'es un marrit nacionalisme, enterin que lo nacionalisme ucranian es bon de natura ? podèm lo creire dau punt de vista de la ben-pensança europenca, que la solucion pacifica seriá de tornar aquelei provincias russofonas a la federacion de Russia , ço que volon seis abitants, me sembla e ansin la patz seriá restaurada
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari