Actualitats
Trump a dobèrt la pòrta a l’expulsion en massa dels sens-papièrs
Lo secretari de la seguretat interiora estatsunidenca diguèt que i auriá pas d’excepcions pels estrangièrs expulsables
Lo govèrn dels Estats Units establiguèt dimars passat las nòvas directivas per expulsar d’immigrants sens papièrs. Aquò, en practica, vòl dire dobrir la pòrta a d’expulsions cègas e massissas. Aquelas mesuras son: accelerar lo procès legal, dotar los agents de mai de competéncias, engatjar quinze mila agents migratòris de mai e eliminar las exempcions qu'apliquèt l’administracion Obama.
Lo secretari de la seguretat interiora estatsunidenca, John Kelly, publiquèt dimars dos rapòrts per detalhar cossí lo govèrn de Trump prevei d’aplicar los òrdres executius que signèt lo president a la fin de genièr.
Kelly expliquèt que las nòvas directivas afectarián pas los immigrants qu’èran arribats als Estats Units quand èran enfants, qu'an una proteccion especiala dempuèi lo mandat d’Obama. Franc d’aquestes, lo secretari de la seguretat interiora diguèt que i auriá pas d'excepcions tocant los estrangièrs expulsables. “Lo personal del departament a plena autoritat per arrestar un estrangièr se se considèra que viòla las leis d’immigracion”, çò expliquèt.
Pasmens, se contunha de jutjar prioritàrias las detencion e expulsion dels immigrants illegals qu'ajan comés de delictes. I son tanben incluses los immigrants que son pas estats condemnats per de delictes presumits o que n’an comés solament de caractèr migratòri.
Lo secretari de la seguretat interiora estatsunidenca, John Kelly, publiquèt dimars dos rapòrts per detalhar cossí lo govèrn de Trump prevei d’aplicar los òrdres executius que signèt lo president a la fin de genièr.
Kelly expliquèt que las nòvas directivas afectarián pas los immigrants qu’èran arribats als Estats Units quand èran enfants, qu'an una proteccion especiala dempuèi lo mandat d’Obama. Franc d’aquestes, lo secretari de la seguretat interiora diguèt que i auriá pas d'excepcions tocant los estrangièrs expulsables. “Lo personal del departament a plena autoritat per arrestar un estrangièr se se considèra que viòla las leis d’immigracion”, çò expliquèt.
Pasmens, se contunha de jutjar prioritàrias las detencion e expulsion dels immigrants illegals qu'ajan comés de delictes. I son tanben incluses los immigrants que son pas estats condemnats per de delictes presumits o que n’an comés solament de caractèr migratòri.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La CNN e New York Time qu' es dedicaren a difondre calumnias contra Tramp; ara contituan amb la guerra informàtica e començan a pagar las conseqüèncias.
E bon donc, es lo moment de privar lo Trump dels sieus papièrs (e tota sa moneda d'espleitaire de carn umana). Un còp fotut defòra e liurat a la mendicitat, sens papièr, al Mexic, aquò li deuriá obrir l'esperit, un pauquet, al mens…
Bon, enfin, benlèu lo subrestimi dins sas capacitats d'obertura. Encara caldriá qu'agèsse qué que siá a obrir !
ojalà, plût au ciel que (ansin nautres ellenistas tradugueriam en francés l'optatiu grec, temps dau sovet )
que faguessiam pârier aici, dins nostre estat que soncament cinc o uech % d'aqueles que li an agut refusat lo drech d'asili son expulsats ! e leis autres restan ai fres de la princessa e aquelei qu'aquo li agrada pas e demandan lo respècte de la lei son tractas de xenofobs, de racista e, amb lo badat, islamofob qu'ei l'injùria suprema
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari