Bandièra01 1180x150: Comuna de Tolosa

Actualitats

Veneçuèla demanda a l’ÒNU sa posicion sus las menaças dels Estats Units

Lo país caribenc planh de “menaças insolitas, anacronicas, ostilas, enemistosas” e un blocatge economic qu’es a crear “una crisi umanitària”

Veneçuèla demandarà al secretari general de l’Assemblada Generala de las Nacions Unidas que prenga una posicion sus las menaças militaras dels Estats Units, çò diguèt divendres passat, 26 d’agost, lo ministre dels afars exteriors veneçolan, Jorge Arreaza, durant sa vesita del sèti de l’ÒNU a Nòva York. Arreaza parlèt amb los mèdias après una reünion amb António Guterres, ont tanben evoquèron las sancions economicas estatsunidencas contra lo país caribenc, çò rapòrta Geopolítica.cat.
 
Arreaza considèra que l’ÒNU se deu pas calar davant “las menaças insolitas, anacronicas, ostilas, enemistosas” dels Estats Units contra Veneçuèla. En mai d’aquò, considèra que las sancions economicas, apondudas a la menaça militara, son l’agression pus fòrta que lo país aja patida dins los darrièrs 200 ans, e que son a crear una crisi umanitària.
 
Arreaza afirmèt a l’ÒBU que son país se tròba al moment pus democratic de son istòria: “Avèm agudas 21 eleccions dins los darrièrs 18 ans, sèm a las pòrtas d’una eleccion de governors e de cònsols màgers, e una presidenciala. Avèm una Assemblada Constituenta recentament elegida.”
 
Mentretant, l’ambaissadora dels Estats Units davant l’ÒNU diguèt als jornalistas que las nòvas sancions economicas a Veneçuèla mandan un messatge ferme al govèrn del president Nicolás Maduro: “Pagarem pas la dictatura qu’ensaja d’establir e contunharem de prene de mesuras decisivas fins al moment qu’el farà de passes per que Veneçuèla torne èsser la democracia prospèra que foguèt un còp èra”.



abonar los amics de Jornalet
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

USA viola las leis internacionalas de l'ONU, e es la principala potència que posa continuament en peril la patz mondiala.

  • 1
  • 0

Escriu un comentari sus aqueste article