Bandièra01 1180x150: Comuna de Tolosa

Actualitats

Harvey bat lo recòrd de devastacion als Estats Units

Segon Donald Trump, l’oragan vengut tempèsta tropicala a atench “de proporcions epicas”. Lo cambiament climatic a agravat las consequéncias d’aquela devastacion

| SkyAlertStorm
Als Estats Units, lo passatge de Harvey, l’oragan vengut ara tempèsta tropicala, es lo mai devastaire que se conesca dins l’istòria dels Estats Units segon los registres de l’observatòri de Beaumont. E contunha de plòure dempuèi qualques jorns. Lo nombre de victimas mortalas seriá a l’entorn de la vintena.
 
La vila de Houston es la pus afectada. Unes 17 000 personas an degut quitar lors abitacions e cercar un abric dins d’albèrgas e refugis. Aperaquí 10 000 personas se son installadas dins lo centre de conferéncias de la vila. S’es declarat lo cobrifuòc pendent la nuèch per evitar de panatòris e s’es evacuat los entorns d’una usina quimica a causa del risc d’explosion.
 
L'autre perilh es l'aument del nivèl de la mar e, tanben, lo desbordament de restancas, que ja doas an desbordat en provocant mai d’evacuacions.
 
 
Trump declara l’estat d’emergéncia
 
Lo president dels Estats Units, Donald Trump, aprovèt diluns la declaracion de l’estat d’emergéncia e dimars, sus plaça, reconeguèt qu’Harvey aviá atench “de proporcions epicas”. E mai se lo president se gandiguèt sus plaça, es pas anat a Houston perque “una de sas prioritats es de geinar pas cap d’operacion de recèrca o de salvament”.
 
 
La causa ne seriá lo cambiament climatic
 
Lo climatològ Michael E. Mann a declarat que “lo cambiament climatic a agravat las consequéncias de l’oragan”. Ne mençona especialament doas, la pojada del nivèl de la mar e l’escalfament de la mar.

 

 
 



abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

jp la rapieta
1.

Dins ‘queu temps, i a quauques 1200 personas de mortas dins las inondaci’s dau sud de l’Asia — India, Nepal, Paquistan, Bangladesh.
Segond que setz « mainstream » o pas…

  • 2
  • 0

Escriu un comentari sus aqueste article