Bandièra01 1180x150: País Invisible

Actualitats

Bogre: un filme sus las traças dels catars e dels bogomils

Aquel projècte cinematografic màger per la dignitat d’Occitània a mes en plaça un micromecenatge

| Bogre, lo filme
La Chambra d’Òc ven d’aviar lo  projècte de produire un filme sus un dels episòdis màgers de l’istòria occitana, l’extermini del catarisme e de tot lo mond que s’èra desvolopat a l’entorn. Entitolat Bogre, lo filme parlarà del catarisme e de sas originas sortidas del bogomilisme bulgar. Lo títol es pro clar: “bogre” en occitan significava originàriament abitant de Bulgaria, e long del temps a pres un significat d’inapte, de coquin, de persona malfisenta qu’amaga la vertat. “A l’entorn dal sègle XII aquel tèrme devenèt un insult adreçat ai catars d’Occitània, colpables d’una religion ren ortodòxa semblabla per doctrina a un autre grand movement erètic europèu, aquel di bogomils bulgars”, çò explican los promotors del filme.
 
Lo filme, rodat dins los Balcans e en Occitània, farà intrar l’espectador “dins la quotidianitat de l’èsser catar e bogomil en aquilhi ans. Catars èron pas mas que lhi sèrvs e lhi païsans que s’opausavon  a l’aut clerjat e ai feudataris —coma s’es passat per lo bogomilisme— mas decò las classas marchandieras e sabentas de la vila. Son tantas las familhas d’aut linhatge qu’an embraçat la novetat de la doctrina catara. A Firenze èron catars de personatges que tuchi conoissèm, coma Farinata degli Uberti , lo poèta Guido Cavalcanti e, segon d’estudis recents, lo mesme Dante Alighieri.”
 
Lo projècte es menat a tèrme per de professionals del cinèma coma Fredo Valla , Andrea Fantino e Elia Lombardo; per d’especialistas del catarisme e del bogomilisme coma Maria Soresina, e d’organizaires culturals de l’airal occitan coma Inés Cavalcanti e tota la còla de la Chambra d’Òc. E mai, an jonch la còla lo Centre Ivan Dujčev de Sofia, lo CIRDÒC e l’Istituto Internazionale Lorenzo de’ Medici de Floréncia.
 
Per finançar aquel projècte, an mes en linha un micromecenatge, çò que nos dona a totes los occitans, e als amics d’Occitània, l’escasença de poder collaborar amb un dels projèctes pus grands per la dignitat del país nòstre. An amassat gaireben 11 000 èuros mas ne rèsta encara per arribar a la tòca dels 18 000 èuros. Avèm mens de 13 jorns per ajudar. Anem! Clicatz aicí.
 
 

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Mèfi ! 31
12.

Le catarisme es un fondamentalisme, un radicalisme e non valoriza pas Occitània...

  • 0
  • 0
Maria Soresina Milano
11.

Gli “studi recenti” sono i libri di Maria Soresina, in particolare “Libertà va cercando. Il catarismo nella Commedia di Dante” in cui viene dimostrato che la dottrina esposta nella Divina Commedia non è cattolica, ma è quella dei Catari, tesi accettata da autorevoli studiosi e definita “convincente” nientemeno che dal giornale del Vaticano: http://www.osservatoreromano.va/it/news/dante-cataro.
Da questo libro la Chambra d’Oc ha realizzato una serie di 12 video (anche con sottotitoli in inglese) che si trovano su youtube.

  • 0
  • 0
Guilhabèrt de Castre Montsegur
10.

Per contra, aquí, çò que m'estranha fòrça es l'idèa que Guido Cavalcanti e Dante Allighieri foguèssen estats catars. Coneissent sos vèrses, jamai non i ai res trobat de catar… Quines son aqueles "estudis recents" que s'i fa referéncia ? Que ne pensan a l'AIEO ?

  • 0
  • 0
Guilhabèrt de Castre Montsegur
9.

#7 Confondètz los catars que i a agut o pas amb los documents inquisitorials testimoniant que i aja agut o pas de catars aquí o ailà. Lo problèma vòstre es aqueste : las fonts documentàrias inquisitorialas, emai ricasssas que sián, son largament incomplètas. La transmission de las fonts es complicada e aventurosa, sovent malurosa. Avèm d'elements, estudiats per cercaires plan serioses, explicant preséncia de dissidents crestians dits auèi "catars" en agenés e aran. Çò que manca per ne saber mai subre, per exemple, Comenge o Coserans, es de fonts. Es pas perçò que d'aquel, cap document escrit o atèsta pas que non i aviá pas calhaus al fons de Garona. Cal èsser prudent…

  • 3
  • 0
Ròdrigo Bigòrra
8.

gran mercés senher David !
#5

  • 0
  • 0

Escriu un comentari sus aqueste article