CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Dissabte, 19 d'agost

editorial

Dimenge, 18 de decembre de 2016, 03h00

Sant Sebastian, Marselha, lo MUCÈM e los eròis del país


Comentaris 7 comentaris    
Marrit Flac Bon Plan bon Fabulós (6 vòtes)
carregant En cargar


Durant l’an 2016 Wrocław (Polonha) e Sant Sebastian (Bascoat) son estadas las capitalas europèas de la cultura, un títol decernit per la Comission Europèa e lo Parlament Europèu a una vila europèa (o mai d'una), que durant un an pòt mostrar son desvolopament e sa vida culturalas. Cèrtas vilas europèas an aprofechat aquesta designacion per transformar completament lors estructuras culturalas e èsser reconegudas al plan internacional.

 

En tant que vila d’una cultura e d’una lenga minorizadas, Sant Sebastian a ben aprofechat l’escasença de mostrar al Mond la cultura basca, e o a fach en comptant amb la participacion populara e en sostenent los artistas locals e las proposicions dels ciutadans. L’oralitat e la lenga basca an agut una plaça fòrça nauta e la lenga es estada totjorn presenta dins totas las manifestacions. En mai d’aquò, la vila basca a fach servir aquela capitalitat per promòure la signatura d’un acòrdi istoric per las lengas minorizadas d’Euròpa, ont l’occitan i es ben representat. Dissabte se signèt lo Protocòl per la Garentida dels Dreches Lingüistics, que sa tòca es de velhar e trabalhar per l’egalitat de las lengas e garentís lo desvolopament de las que son en situacion desfavorabla. Per l’occitan signèt e ratifiquèt l’IEO.

 

Es pas lo primièr còp qu’una ciutat d’una lenga minorizada es capitala europèa de la cultura. En 2013, Marselha, la vila pus granda d’Occitània, o foguèt tanben amassa amb l’eslovaca Košice. E que se faguèt per l’occitan? Res! Bon, si que se faguèt quicòm: s'utilizèt l’eveniment per levar lo monument de Victor Gelú, lo grand poèta e polemista marselhés d’expression occitana del sègle XIX. En mai d’aquò, lo Musèu de las Civilizacions d’Euròpa e de la Mediterranèa (MUCÈM), qu’es l’infrastructura màger resultanta d’aquela capitalitat culturala, a fach d’esfòrces extraordinaris per ignorar las nombrosas mòstras d’indignacion a prepaus de l’abséncia de la lenga e la cultura del país, dont la mai resclantissenta foguèt una lètra dobèrta que li mandèt la lexicografa e etnobotanista Josiana Ubaud.

 

Aqueste dissabte passat se tenguèt una accion de protèsta contra lo mesprètz de l’occitan al MUCÈM. Las parets de veire del sit presentan en sèt lengas l’article catòrze de la Declaracion Universala dels Dreches Umans. La lenga del país i es pas. Per aquela rason, una còla de militants occitanistas, quilhats estoïcament, i despleguèron de 12h a 16h una bandeiròla de dos mètres que pòrta lo tèxt en occitan que manca.
 



Dins un editorial precedent, ont anonciàvem aquela accion i manifestàvem nòstre sosten, disiam “que defendre a l’ora d’ara l’occitan a Marselha es un acte d’eroïsme”. E per ansin amb aqueste editorial volèm saludar los eròis que defendèron dissabte la lenga del país davant lo MUCÈM de Marselha. Es fòrça probable que las autoritats culturalas, especialistas de l'ignorància de la cultura del país, ignoraràn l’accion. Mas lo combat occitanista a ganhat, dempuèi dissabte, un pauc mai de dignitat.




 
mmmmm   mmmmm
  En seguida de l'accion menada per Danís Capian davant lo MUCÈM de Marselha per i revendicar l’occitan, Iniciativa per Occitània a mandat una letra al president del musèu e prepausa qu’òm se n’inspire per li escriure tanben.
 
 
     

Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.



publicitat



Comentaris

24 de decembre 15.47h

#6 Quora mon papet dintrèt dins la resiténcia coma lo feissisme e la nazisme que tornan montar uèi lo dia, preniá pas la bandièra del sieu cap-lòc de canton per una bandièra nacionala…


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

22 de decembre 10.03h

#4 A levat se considèras que Provença es pas en Occitània, la bandiera que se vei sus la fòto es una bandiera occitana, estent aquela de Provença.

Siáu sempre que mai espantat de veire a qunt ponch de gents que se revendican occitans desconoisson la realitat occitana dins son entier.


Valoriza aqueste comentari:   votar positiu 4   votar negatiu 1
Respondre comentari replica Comentari inadeqüat   Formulari d'abús de comentari

21 de decembre 15.26h

La bandièra occitana èra tanben presenta a n'aquela accion (se vòs de pròvas, te'n donarai).

Es tot çò que te ven, coma comentari interessant, si que non ?


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

21 de decembre 11.04h

M'agrada plan, la bandièra pausada aquí pel sòl. Es la "Senyera" del mieu amic frairal lo rei Anfós d'Aragon e Catalonha ? I ajustariái ben una estela d'estat independent plan coma cal, sonque pel plaser ! Mas lèumens, aquò manca un pauc de bandièra occitana, non ?


Valoriza aqueste comentari:   votar positiu 4   votar negatiu 2
Respondre comentari replica Comentari inadeqüat   Formulari d'abús de comentari

18 de decembre 11.13h

#2

Mon comentari èra per Lachaud


Valoriza aqueste comentari:   votar positiu 16   votar negatiu 1
Respondre comentari replica Comentari inadeqüat   Formulari d'abús de comentari

18 de decembre 11.12h

Avètz petat los plombs?
Podètz totjorn anar bramar per la montanha. Aquò fonciona melhor per se descargar lo temperament que de criticar los qu'assajan se far quicòm.


Valoriza aqueste comentari:   votar positiu 26   votar negatiu 1
Respondre comentari replica Comentari inadeqüat   Formulari d'abús de comentari

18 de decembre 09.00h

Lo contengut d'aqueste comentari es amagat perque los legeires l'an considerat inapropriat
Mòstra-lo


Valoriza aqueste comentari:   votar positiu 3   votar negatiu 33
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

giny

Lo temps

Mapa
  • sol Agen 27 13
  • sol Aush 26 13
  • sol Bordèu 26 12
  • sol Briançon 23 7
  • sol Caors 25 11
  • sol Carcassona 24 13
  • sol Clarmont-Ferrand 22 9
  • sol Confolent 22 12
  • sol Gap 28 13
  • sol La Canau 26 12
  • sol La Gàrdia 29 17
  • nuvols_parcials La Torre de Pèlitz 25 16
  • sol Limòtges 22 12
  • nuvols_parcials Lo Borg Sant Dalmatz 28 16
  • sol Lo Puèi de Velai 21 9
  • sol Marselha 31 16
  • sol Montpelhièr 29 18
  • nuvols Naut Aran 22 11
  • sol Niça 19 9
  • sol Nimes 30 17
  • nuvols Pau 24 13
  • sol Peireguers 23 12
  • sol Rodés 25 11
  • sol Tolon 30 18
  • sol Tolosa 27 13
  • sol Valença 22 11

giny

giny

Entrevista

publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • © Laurenç Revèst

    Magasin novèl de Macarèl a Sant Joan de Vedats (Montpelhierenc)

  • Gavotina maritima - Sant Anhe, vilatge sus una pena. © Laurenç Revest

    Gavotina maritima - Sant Anhe

  • País de Rasés. © Franc Bardòu

    País de Rasés

  • © Conselh Generau d'Aran

    Lo Torn de França 2016 en Aran

  • Goulamàs'K a Bordelha (Rebeiragués) lo 9 de julhet 2012

  • Gavotina marítima: trofèu d'August e vila vielha d'A Torbia

  • © Laurenç Revèst

    Mónegue

  • Lei flors dei rosèlas moriguèron; nos mesclam a sei fruchas

    Meissonencas en Camarga pichòta

  • © Celèsta Toion

    La plaja espaci de libertat? D'expression?

  • © Franc Bardòu

    Coserans al còr

  • © CD

    Escòla Calandreta dau Mas. Drap (País Niçard)

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Franc Bardòu

    Asuèlhs de Lauragués

  • © Laurenç Revèst

    Vista de Gavotina (est Velai) e d'Auvèrnhe (Vivarés, Gevaudan)

  • Cristòl Daurore

    Ceremonia pel 83n anniversari de Francés Fontan a Fraisse (Val Varacha)

  • Exposicion temporària sus Robèrt Lafont al CIRDOC (D.R.)

  • Estacion de trens de Limós (Rasés) - Senhalizacion en occitan. © Terric Lausa

    Estacion de trens de Limós (Rasés) - Senhalizacion en occitan

  • Lo grand passacarrièra de Rodés. Occitan Pride 2013

  • País de Rasés. © Franc Bardòu

    País de Rasés

  • © Laurenç Revèst

    Per las carrièiras de Someire, lo pont cobèrt per la ciutat vidorlenca

giny

Vidèos

Las mai...

publicitat

LATERAL2 300x250: Cultura Conselh Aran

giny

Sondatge

Participaràs a la Dintrada a Narbona lo 16 de setembre que ven?


14%



4%



8%



49%



26%




Vots 74 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)