CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Dissabte, 19 d'agost

editorial

Dimenge, 27 de novembre de 2016, 03h00

L’Occitània istorica


Comentaris 14 comentaris    
Marrit Flac Bon Plan bon Fabulós (15 vòtes)
carregant En cargar


Encontradas de la region qu'a pres lo nom d'Occitània

Encontradas d'Occitània





Etiquetas
editorial, laffont, marselha, occitània istorica, region occitània

“L’unitat scientifica de l’espanhòl, del francés e de l’italian es pas mesa en question”, çò ditz en occitan lo lingüista galèc Antonio Molexón Domínguez dins son entrevista que publicam dins aqueste jornal. Es totjorn l’unitat de las lengas minorizadas qu’es mesa en question per d’organismes al servici de l’empèri que cèrca de destruire aquelas lengas. Coma d’autras lengas minorizadas e menaçadas, l’occitan subís qualques temptativas de secessionisme lingüistic: en gascon, en auvernhat e en provençal. De còps tanben en niçard, mas de manièra pus vaga. Ne parlava Domergue Sumien dins Jornalet en junh de 2014.
 
Las divisions administrativas de l’estat francés son un autre atemptat contra la nòstra lenga, la nòstra cultura e quitament la nòstra istòria. S’agís de divisions arbitràrias que seguisson de critèris geostrategics. Normalament trencan los parçans istorics e culturals del país, e an portat una revirada a la vision occitana del territòri. Per exemple, la region qu’a pres lo nom d’Occitània conten de tròces importants de Gasconha, de Guiana e de Lengadòc, e quitament de bocins tot petits de Castanhau e de Carladés en Auvèrnhe e l’extrèm occidental del Comtat Venaicin en Provença. En mai d’aquò compta amb un extrèm tot petit de Sèrras d’Agenés, e partís las encontradas del Bas Armanhac, d’Aubrac, de Marjarida e de la Cevena Lengadociana.
 
Per tant, cresèm qu’es pas gaire judiciós d’afirmar publicament qu’aquela “region administrativa recampa lo 90% de l’Occitània istorica”, coma o faguèt lo president de Convergéncia Occitana, segon çò que podiam legir dins La Setmana. Aquela afirmacion seguís una interpretacion personala de l’origina del tèrme “Occitània” que met en question lo movement occitanista dels darrièrs cinquanta ans e que poiriá alimentar las tèsis del secessionisme lingüistic mençonat dins lo primièr paragraf d’aqueste editorial. En un moment que lo combat occitanista es a recular e pèrd de mai en mai d’influéncia a causa de sa fragmentacion, es important de bastir d’estrategias d’unitat e non pas de division. Lo fach qu’aquela region aja pres lo nom de tot lo país, pòt èsser una escasença màger per un combat politic de portada nacionala. Tant la region citada coma lo movement occitanista de la rèsta del territòri occitan se devon engatjar a trabalhar ensems per difondre lo sentiment d’occitanitat, la coneissença de la cultura pròpria del país e l’enveja de recuperar la lenga e de la far viure.
 
Per exemple, defendre a l’ora d’ara l’occitan a Marselha —la vila pus granda d’Occitània— es un acte d’eroïsme. E es per aquela rason que volèm saludar l’enòrme trabalh que lo realiza l’Ostau dau País Marselhés (OPM) amb sa difusion de la lenga e la cultura occitanas e dins l’encastre de l’interculturalitat e la diversitat culturala del país nòstre, coma o revendicàvem dins l’editorial de la setmana passada. En mai d’aquò, volèm saludar tanben l’accion de dos militants qu’a títol individual e fòra l’OPM menaràn a bon tèrme lo 17 de decembre que ven davant lo Musèu de las Civilizacions d’Euròpa e de la Mediterranèa per i revendicar l’occitan. Se los poiriam jónher e sosténer? S’anam a Marselha lo 17 de decembre que ven?


Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.



publicitat



Comentaris

5 de decembre 10.35h

Visca, però ...tota juta i lliure. Cal apendre de l'història, però ja dic:Tota i lliure!
Visca la Terra...Lliure!
Occitània també!
L'Ernest, "El Tàrrega".


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

4 de decembre 22.33h

Occitanie: "c'est le pays des deux mers, Atlantique et Méditerranée, s'ignorant l'une l'autre. Il se compose de trois montagnes avec quelques paines entre. Toute autre définition, relève de la rêverie poétique o politique." Yves Rouquette, Entre Deux Mers et Trois Montagnes, in Autrement, citat per Toulze, Et si nous parlions de l'Occitanie, Bulletin de la Société des Etudes du Lot, 1980 (tèxte de tornar legir!).


Valoriza aqueste comentari:   votar positiu 0   votar negatiu 1
Respondre comentari replica Comentari inadeqüat   Formulari d'abús de comentari

3 de decembre 01.22h

#5 As plan rason, Manu, l'istòria d'Occitania — vòli dire una Occitania assumida — es de politica-ficcion futurologica. Occitania non es istorica, mas linguïstica e culturala, antropologica, qué…

Après, aquò non empacha pas degun de trabalhar a ne far mai qu'una simpla politica-ficcion futurologica. Mas la soleta "unitat" a pauc près assumida per Occitania dins l'istòria del mond, foguèt assumida pels trobadors, dins lo sieu art tant preciós. Lo demai del temps, nos cercam sens... Legir mai


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

2 de decembre 09.53h

#10
Que’t cau enquera minjar hera godala


Valoriza aqueste comentari:   votar positiu 0   votar negatiu 2
Respondre comentari replica Comentari inadeqüat   Formulari d'abús de comentari

2 de decembre 04.43h

#8 Lo primièr val pas i donar responsa. Vòli pas perdre lo temps amb provocacions.

Quant a lo segond que disses: Islàndia es lo solet estat INDEPENDENT d'Euròpa uninacional i unilingüe.

Pòdes ne dir un autre?

Andorra e autres micro-estats son pas independents car son estats associats (coma Puerto Rico e d'autres)


Valoriza aqueste comentari:   votar positiu 0   votar negatiu 3
Respondre comentari replica Comentari inadeqüat   Formulari d'abús de comentari

30 de novembre 18.00h

Ieu, Leuvigild, rei dels gots, sabi pas se dins las ancianas tèrras del règne alariquenc lo mond an consciéncia de èsser una nacion o pas. Mas en mon ancian règne, ara nomnat Espanha e Portugal, i a mantunas lengas e mai mantunas nacions. Los espanholets e nacional-catolics (que son de fascistas) creson totjorn en una Espanha unenca e granda mas ieu qu’ai mai de mil ans en l’autre costat vesi o que los fascistas podon pas véser: las Espanhas son mantunas nacions.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

30 de novembre 09.48h

Soi anat mantuns còps en “Occitània“ e jamei pas ei trobat enlòc de conscienci nacionau occitana, jamei pas. Qu’ei tot ua criacion intelectuau shens cap de realitat dens las gents ...
Cau dìser ua nacion qu’ei ua comunautat de’estajants que se reconeissen como tau, pas ua comunautat microscopica d’intelectuaus marginaus que imaginan quicòm ...

#6
Clementina, que’t cau pas anar tròp luenh entà trobar un cas de estat independent uninacional e unilingüe dins Euròpa


Valoriza aqueste comentari:   votar positiu 12   votar negatiu 7
Respondre comentari replica Comentari inadeqüat   Formulari d'abús de comentari

28 de novembre 08.11h

#5 Per' illustrar mon prepaus, l'article d"aqueste matin sul Nadal Rei marca Levinhac (Verdunés). S'aquo es istoric, a pas cap de realitat actuala (pas mai que lo restacament administratiu al canton de Legavin). Lo monde de Levinhac son virat cap a L'Isla de Baish o Granada. E de mai en mai directament a l'airal tolosan. La limita istorica es de cop tant piota coma l'administrativa.


Valoriza aqueste comentari:   votar positiu 6   votar negatiu 2
Respondre comentari replica Comentari inadeqüat   Formulari d'abús de comentari

27 de novembre 21.40h

L'imperiet francimand fa la falsa equivalença: UN ESTAT = UNA NACION = UNA LENGA.

L'unic cas que coneissi d'un estat independent uninacional e unilingüe dins Euròpa es Islàndia.


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

27 de novembre 20.19h

Un editorial clar e que podriái signar, a doas excepcions prèp.
Lo títol « L'Occitània istorica » me sembla pas convenir. I a pas agut dins l'Istòria una tala Occitània. Se podriá dire « Occitània linguistica ». Compreni ben que lo títol fa referéncia a la definicion d'Occitània abans lo fosc causat per la nominacion de la « Région Occitanie », mas pòt pas èsser lo cas de tot lo monde.
La reserva mai importanta es sul pichon paragraf de las divisions administrativas. A... Legir mai


Valoriza aqueste comentari:   votar positiu 10   votar negatiu 4
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

giny

Lo temps

Mapa
  • sol Agen 27 13
  • sol Aush 26 13
  • sol Bordèu 26 12
  • sol Briançon 23 7
  • sol Caors 25 11
  • sol Carcassona 24 13
  • sol Clarmont-Ferrand 22 9
  • sol Confolent 22 12
  • sol Gap 28 13
  • sol La Canau 26 12
  • sol La Gàrdia 29 17
  • nuvols_parcials La Torre de Pèlitz 25 16
  • sol Limòtges 22 12
  • nuvols_parcials Lo Borg Sant Dalmatz 28 16
  • sol Lo Puèi de Velai 21 9
  • sol Marselha 31 16
  • sol Montpelhièr 29 18
  • nuvols Naut Aran 22 11
  • sol Niça 19 9
  • sol Nimes 30 17
  • nuvols Pau 24 13
  • sol Peireguers 23 12
  • sol Rodés 25 11
  • sol Tolon 30 18
  • sol Tolosa 27 13
  • sol Valença 22 11

giny

giny

Entrevista

publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • Auchan. © Remèsi Firmin

    L'occitan per carrièras (concors de prima 2014)

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Laurenç Revèst

    Lo Canet dei Mauras: Brassariá e manhanariá, luecs de vida de l'occitan provençau

  • Valadas. © Xavi Gutiérrez Riu

    Valadas

  • © Laurenç Revèst

    Menton, 'a vivaroalpenca maritima

  • © Franc Bardòu

    Asuèlhs de Lauragués

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Laurenç Revèst

    Magasin novèl de Macarèl a Sant Joan de Vedats (Montpelhierenc)

  • Lo grand passacarrièra de Rodés. Occitan Pride 2013

  • Gavotina marítima: trofèu d'August e vila vielha d'A Torbia

  • © Josep Carpintero

    Presentacion dera ANC Val d'Aran en Vielha, 28/12/2013

  • © Miquèu Barís

    Los calandrons d'Auloron qu'an visitat Baiona

  • Costiera de Gavotina marítima : Tròces de vial d'a marina de Mónego a Caboalh. © RL

    Costiera de Gavotina marítima: Tròces de vial d'a marina de Mónego a Caboalh

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • Concèrt del 20n anniversari de Gric de Prat

  • © Laurenç Revèst

    Castelar

  • Manifestacion Anem Òc, Tolosa 31 de març 2012. © Cecília Hautefeuille

    Manifestacion Anem Òc, Tolosa 31 de març 2012

  • Valadas. © Xavi Gutiérrez Riu

    Valadas

  • Lo grand passacarrièra de Rodés. Occitan Pride 2013

  • © Laurenç Revèst

    Lengue a Mentan

giny

Vidèos

Las mai...

publicitat

LATERAL2 300x250: Cultura Conselh Aran

giny

Sondatge

Participaràs a la Dintrada a Narbona lo 16 de setembre que ven?


14%



4%



8%



49%



26%




Vots 74 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)