Actualitats
Perpinhan: lo director de “Visa pour l’image” reagís a las protèstas dels fotografes catalans
A publicat sul sit web del festenal una reconeissença dels imatges qu’aviá refusats e anóncia que se consagrarà una conferéncia a una projeccion sus la situacion del Principat
Del 1r al 16 de setembre que venon, Perpinhan aculhirà, coma cada an, lo prestigiós festenal internacional del fotojornalisme nomenat “Visa pour l’image”. L’eveniment, organizat dins la partida francesa de Catalonha, teniá pas cap d’exposicion especifica sus la situacion politica al Principat de Catalonha a prepaus de son camin devèrs l’independéncia e de la repression que la patís de part de l’estat espanhòl. Mas las accions de protèsta de divèrses fotojornalistas catalans an fach reagir la direccion del festenal.
“Se pòt pas far una exposicion amb quaranta fòtos de bandeiròlas”, çò aviá dich lo director del festenal, Jean François Leroy. Mas ara, après la presentacion de quatre exposicions alternativas a Perpinhan durant los jorns de l’eveniment, Leroy a publicat sul sit web del festenal una reconeissença dels imatges que li èran estats mandats sus Catalonha, e anóncia que se consagrarà una conferéncia a una projeccion sus la situacion de Catalonha Sud e d’Aran.
Las exposicions parallèlas s’apèlan “Drech a drech: 155 fòtos per la libertat”, “55 urnas per la libertat”, “Visca per la libertat” e “La revòlta de las urnas”. Los divèrses organizaires an soslinhat lo besonh de divulgar durant los jorns de “Visa pour l’image” la grèva situacion politica que la viu lo Principat de Catalonha.
“Se pòt pas far una exposicion amb quaranta fòtos de bandeiròlas”, çò aviá dich lo director del festenal, Jean François Leroy. Mas ara, après la presentacion de quatre exposicions alternativas a Perpinhan durant los jorns de l’eveniment, Leroy a publicat sul sit web del festenal una reconeissença dels imatges que li èran estats mandats sus Catalonha, e anóncia que se consagrarà una conferéncia a una projeccion sus la situacion de Catalonha Sud e d’Aran.
Las exposicions parallèlas s’apèlan “Drech a drech: 155 fòtos per la libertat”, “55 urnas per la libertat”, “Visca per la libertat” e “La revòlta de las urnas”. Los divèrses organizaires an soslinhat lo besonh de divulgar durant los jorns de “Visa pour l’image” la grèva situacion politica que la viu lo Principat de Catalonha.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#6 Avètz plan rason: a despart de París que se mira l'emborigol, lo de mai son pas que de tèrras colonizadas, al mens culturalament. La màger part dels festivals que tant se’n parla dins los mèdias son pas que d’importacion de la boboïtuda parisenca. Sus las produccions vengudas de’n bas, del terren, gaireben pas res nimai dins la prensa, la ràdio o la television. Nos diràn que fasèm pas grand causa? Benlèu! Mas, d'en primièr, avèm pas la meteissa pagèla culturala. E apuèi, cossí butar la creación quand li daisson pas sortir lo cap de l’aiga?!
En Leroy s'es despertat! Vejats miracle! coma aurià ditz Sant Vicent Ferrer!
#7 Lo Leroy es un bon representent de la "Culture." En França la Cultura es (pleonasma !) parisenca. E fai de vos un aparisenquit. A l'encop esplech e emanacion dau poder parisenc, la cultura francesa dins totas sas expressions (mediaticas, literarias o artisticas) nada totalament dins l'ideologia centralizaira. Tot ço que dintra pas dins l'encastre ideologic dau centralism parisenc es una anomalia absurda o una mistificacion escandalosa. En clar una "fake news". Exemple : dire que Catalonha es una nacion es saique una fake news, que quin que siague intellectual francès digne d'aquel nom saurà vos demostrar qu'en realitat Catalonha es una pichona "région" d'Espanha ont per de rasons misteriosas una cola de terroristas fanatics an temptat una presa de poder separatista exactament coma aqueles separatistas de l'est d'Ucraina sostenguts per Poutine. Aurosament que l'estat espanhol a pogut restablir la democracia a Barcelona e qu'a sauput tornar a la rason aquesta "région" qu'a atal escapat al pièger, e patin...cofin... Segur qu'amb un logicial coma aquo dins lo cervèl cal pas s'estonar dau peremptori e mespresent "fake news" dau brave Leroy als "Pyrénéens-Orientaux" romegaires.
Dins lo comunicat ont annóncia son cambiament de decision, F. Leroy acaba per aquesta frasa :
"Un « fake news » qui déshonore toutes celles et tous ceux qui le propagent."
Tornar un concèpte de Trump per atacar los jornalistas -- quand òm es responsable d'una mòstra de sosten al fòtojornalisme -- me sembla èsser particularament desplaçat.
De la part de F. Leroy es vertadièrament con d'escriure aquò. Se compren pas las concequéncias del concèpte trumpian de "fake news" dins lo monde d'ara, alara pòt evidentament pas comprene çò que se passèt per Catalonha.
Se compren fin finala la necessitat d'un eveniment alternatiu.
"Visa pour l'image" es considerat coma una d'aquelas manifestacions culturalas decentralizadas, es a dire excepcionalament e generosament concedadas per Paris als arlèris de provincia. Coma lo festenal d'Avinhon ont la majoritat dels intervenents e dels participaires son en fach de borgeses e bobos parisencs en vacança dins lor cort de recreacion estivala d'aquelas terras primitivas e solelhosas
dau "SUD" de FRANCE. Per aqueles Avinhon es pas pus occitana que Perpinyà seria catalana. Son de vilas "du Midi de la France" e es plan atal qu'o entend lo Leroy. Coma France Culture, Libé, le Monde,le Figaro, l'Obs, l'Indépendant, Macron, Mélenchon o Marine Le Pen. Dins l'amira republicana francesa, que vai de Dunkerque a Prats-de-Mollo, Catalonha es en Espanha e aqueste païs a saique pas res a veire amb la santa França o un de sos "départements". Aquo rend d'autant mai coratjos l'iniciativa dels fotografs catalans qu'an dich "no" a-n-aquesta arrogància coloniala e qu'an sauput forçar la man al Leroy.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari