Actualitats
Bretanha: sièis bonets roges bretons condemnats per la justícia francesa
Riscan 15 meses de preson e una multa de mai de 200 000 èuros per aver destrucha una bòrna d’ecotaxa en 2013. Aquel an, l'ecotaxa foguèt abolida en seguida del movement breton dels bonets roges
Fa qualques meses, 6 bonets roges foguèron mandats davant un tribunal francés per respondre de la destruccion d'una bòrna d’ecotaxa a Pontorson (Normandia) lo 28 de decembre de 2013. Aqueste divendres, foguèron condemnats per la cambra d’apelacion del tribunal correccional de Rene (Roazhon) a pagar 206 700 èuros a l’estat.... per “tornar bastir la bòrna” (segon l’arrestat). Pasmens, l’ecotaxa foguèt abolida en 2013 en seguida del movement breton dels bonets roges.
Abans, los 6 militants foguèron condemnats au penal a 15 meses d’empresonament amb sosta.
En primièra instància, las indemnizacions foguèron mens excessivas: 10 200 èuros. Los jutges francés an, doncas, causit de castigar durament los militants bretonistas. Dins l’ambient actual de malcontentament contra la benzina trop cara e de retorn dels bonets roges, sembla evident que los sièis bretons son los patirasses.
Fabien Lécuyer
Abans, los 6 militants foguèron condemnats au penal a 15 meses d’empresonament amb sosta.
En primièra instància, las indemnizacions foguèron mens excessivas: 10 200 èuros. Los jutges francés an, doncas, causit de castigar durament los militants bretonistas. Dins l’ambient actual de malcontentament contra la benzina trop cara e de retorn dels bonets roges, sembla evident que los sièis bretons son los patirasses.
Fabien Lécuyer
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari