Actualitats
Aran: un incendi a cremat mai de doas cents ectaras de pasturas
Los darrièrs 25 jorns dins los Pirenèus son estats extraordinàriament secs, mai que mai dins las regions pus nautas
Los pompièrs d’Aran an enfin contrarotlat un incendi que dempuèi dimenge passat a cremat 215 ectaras de pasturas dins lo terçon d’Arties e Garòs.
L’incendi es estat de fòrça mal escantir completament a causa de l’orografia del terren e del freg. Los pompièrs d’Aran an trabalhat mai que mai amb de mejans aerians ajudats pels pompièrs de la Generalitat de Catalonha. Cap de zòna abitada es pas estada en perilh, mas ièr los efectius deguèron trabalhar pus fòrt e dur car lo vent e la nèu qu’arriban aurián complicadas las causas.
Los darrièrs 25 jorns dins los Pirenèus son estats extraordinàriament secs, mai que mai dins las regions pus nautas, çò que fa propagar lo fuòc amb fòrça intensitat. Pasmens, lo fuòc un còp amortat torna pas nàisser car la tèrra es umida.
Lo sindic d’Aran, Carlos Barrera, a mercejat totes los servicis engatjats dins l’escantiment de l’incendi.
L’incendi es estat de fòrça mal escantir completament a causa de l’orografia del terren e del freg. Los pompièrs d’Aran an trabalhat mai que mai amb de mejans aerians ajudats pels pompièrs de la Generalitat de Catalonha. Cap de zòna abitada es pas estada en perilh, mas ièr los efectius deguèron trabalhar pus fòrt e dur car lo vent e la nèu qu’arriban aurián complicadas las causas.
Los darrièrs 25 jorns dins los Pirenèus son estats extraordinàriament secs, mai que mai dins las regions pus nautas, çò que fa propagar lo fuòc amb fòrça intensitat. Pasmens, lo fuòc un còp amortat torna pas nàisser car la tèrra es umida.
Lo sindic d’Aran, Carlos Barrera, a mercejat totes los servicis engatjats dins l’escantiment de l’incendi.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari