Bandièra01 capçalera  1180x150: Novestivada

Actualitats

crotz-tolosaCreated with Sketch.GasconhaVal d'Aran

An assabentat los escolans araneses del drech de passar los examens preüniversitaris en occitan

L’Universitat de Lhèida prepausarà los enonciats de qualques examens en lenga nòstra e ne garentirà una correccion en condicions volgudas

| Conselh Generau d\'Aran

Los liceans de la Val d’Aran aguèron ièr una conferéncia informativa que los assabentava de lor drech de passar los examens preüniversitaris en occitan. Lo cap del Burèu d’Accès a l’Universitat de la Generalitat de Catalonha, Jesús M. Prujà, informèt los escolans araneses sus las espròvas que començaràn lo 12 de junh venent.
 
Los liceans araneses an drech de passar las espròvas d’accès a l’Universitat en occitan. E mai los examens se tenga fòra de la Val d’Aran, la lenga occitana es reconeguda en Aran dempuèi 1979 e en tota Catalonha dempuèi l’an 2006.
 
Ongan, enfin, los govèrns de Catalonha e d’Aran an signat un acòrdi amb l’Universitat de Lhèida per garentir que sián en aranés los enonciats e la correccion de las espròvas preüniversitàrias. Atal, l’Universitat de Lhèida prepausarà los enonciats de qualques examens en lenga nòstra e ne garentirà una correccion en condicions volgudas. D’en primièr, per las espròvas d’ongan se prepausarà en occitan aranés los enonciats de l’examen d’istòria, matèria obligatòria per totes los escolans. Pus tard s’incorporarà los enonciats dels examens de las autras matèrias.
 
Lo Conselh General d’Aran encoratja los escolans araneses: “Serie positiu qu’es alumnes d’Aran s’impliquèssen ena normalizacion dera lengua pròpia deth país, ben escuelhent er enonciat en aranés o ben responent as pròves que volguen”.
 
De mençonar l’estudianta aranesa Lourdes Bruna, qu’en 2017 respondèt pel primièr còp a dos examens preüniversitaris en aranés, après o demandar pr’amor de l’oficialitat de l’occitan en Catalonha dempuèi 2006.




abonar los amics de Jornalet

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
3.

Pitaluga açò que dius es molt encertat, que non i a cap col·legi que tenga lo nom de Guillem de Cabestany que foguet lo melhor trobador català. Caldria que se tengués en compte i quan es presenti l'oportunitat es posi a un centre cultural del Rosselló. Una abraçada.

  • 1
  • 0
Pitaluga
2.

#1 Gràcies, Francesc.
Mas dins Rosselhon i a pas un collègi que se sone "Guillem de Cabestany" (Guilhèm de Cabestanh).

  • 1
  • 0
francesc palma
1.

Una cançoneta de lo trobador Guillem de Cabestany per los alumnes de la Val d'Aran que faran los examens en Occitan:

LO DOLÇ CONSIRE

Lo dolç consire
que 'm don'Amors sovent,
dona,'m fai dire
de vos maint vers plazents.

Pensant remire
vostre cors car e gent,
qui ieu dezire
mais que no fas parvent.

  • 4
  • 0

Escriu un comentari sus aqueste article