Actualitats
Victòria indigèna en Austràlia: an barrat l’accès a Uluru
Aquel enòrme monolit de 348 mètres de nautor e de 9 quilòmetres de contorn es, pel pòble originari del país, un endrech sagrat ont i demòran d'èssers de lor mitologia qu'an la mission de los guidar dins la vida
Divendres passat, de centenats de toristas aprofiechèron lo darrièrn jor per escalar l’endrech. Dimenge, se tenguèt una ceremònia tradicionala per oficializar l’enebicion de pojar la montanha.
Uluru, sonat pels colons Ayers Rock, se podiá escalar dempuèi 1964 gràcias a l’ajuda de rampas de cadenas, mas dempuèi lo barrament totas aquelas installacions son estadas tiradas e tanben las senhalizacions. A mai, tota la senhaletica oficiala que parla d’Ayers Rock deu èsser remplaçada pel nom originari: Uluru.
L’interdiccion d’escalar Uluru se decidiguèt lo 2017 en reconeissença dels desirs dels pitjantjatjaras anangus, que lo 26 d’octòbre de 1985 recobrèron la proprietat tradicionala de las tèrras que las abitan dempuèi 30 000 ans. La decision a inspirat d’autres grops indigènas a considerar de mesuras similaras.
L’anóncia del barrament del monolit portèt un aument d’un 20% del nombre de vesitaires e provoquèt una polemica amb qualques parts de la societat australiana que considèran qu’Uluru es una icòna australiana e que creson que son barrament poiriá greujar lo sector toristic.
Last night’s Inma was incredibly special. Dancers from seven communities celebrated the closure of the #UluruClimb as the sun set on Uluru. pic.twitter.com/rCeyp3VX4Z
— malarndirri mccarthy (@Malarndirri19) October 28, 2019
Victòria dels pobles aborígens australians, després d'una lluita de dècades.
— Nationalia (@Nationalia) October 26, 2019
➡️ Aconsegueixen que la muntanya d'Uluru, sagrada per ells, no es pugui escalar més https://t.co/cmA7PTSyvM
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Fantàstic, ara cal que reconeguin les altres coses que els han fet als aborígens, alguns els diuen així, el seu autèntic nom es molt mes maco.
Respectar aquest símbol es molt important, per a ells i molta gent, per tant Fantàstic.
Que així sigui el començament de la seva revolució.
Visca la Terra...Lliure!
L'Ernest, "El Tàrrega".
De temps en temps, una bona novèla. Basta de torisme superficial e irrespectuós!
Quand d'unes halloweenistas organizan de fèstas macabras dins de cementèris, se condemna.
E se compren, un pauc de respècte!
I a pas a anar far los faròts sus la tèrra sacrada dels primièrs australians.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari