Actualitats
Ais de Provença: un abelhard a aviat una alèrta d’atemptat dins un licèu
Los escolans de la sala de dejós, en ausissent los crits, creguèron que s’agissiá d’un atemptat e apelèron la polícia
Un abelhard provoquèt dimars passat una alèrta d’atemptat dins lo licèu Pau Cesana d’Ais de Provença. L’insècte, fòrça comun dins la region, intrèt dins la sala de classa per la fenèstra e espauriguèt qualques escolans que comencèron de cridar. Los escolans de la sala de dejós, en entendent los crits, se pensèron que s’agissiá d’un atemptat e apelèron la polícia, çò rapòrta France 3.
Una unitat de dotze efectius se gandiguèt al licèu amb de fusilhs d’assaut per constatar que se tractava pas que d’un abelhard.
E mai lo professor e los agents de la polícia apliquèsson coma caliá las consignas previstas en cas d’alèrta, los policièrs demandèron als escolans d’èsser mai tranquils per evitar d’inconvenients.
Una unitat de dotze efectius se gandiguèt al licèu amb de fusilhs d’assaut per constatar que se tractava pas que d’un abelhard.
E mai lo professor e los agents de la polícia apliquèsson coma caliá las consignas previstas en cas d’alèrta, los policièrs demandèron als escolans d’èsser mai tranquils per evitar d’inconvenients.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Podria ser una abelha reina que son mai grans o una vespa geganta qu' ataca a las abelhas.
BZZZZZZZZZZZZZZZZZZZZZZZZZZZZZZZ
Aquí ce qu'arriva dinc una societat completament desconnectada de las realitats de son mitan naturau. Contunhem de nos laissar artificializar, de laissar uniformizar l'uman e veirem se refortir, un pauc mai a cha generacion, la pièja bèstia motonièira e dessenuda dau monde, capabla de virapassar amai d'avalir la Vida. Pietosa aquela aventura...
Avans d'escoflar los cervèls d'un bòn pauc de conariás (que la mitat lurs servirà pas jamai !), faudriá lurs apréner a venir de cervèls comols de savença populara, de joves capables de perpensar, d'analizar, d'acampar eime, maduretat, fisença, d'adultes capables d'engincar, de fargar, aitant emb dals dets qu'emb de la tèsta ; d'èssers podent desvolopar una sensibilitat espirituala (parle ben de dimension "espirituala").
en Gasconha non coneixem pas eth mot aqueth"abelhard" mès que disem mès d'avit un vespar , adixatz .
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari