Actualitats
Coldplay farà pas pus de viradas fins que tròbe lo biais d’aver un impacte ecologic minimal
La banda britanica presentèt son darrièr disc divendres passat en Jordania amb dos concèrts sens public
La banda britanica de rock alternatiu Coldplay a decidit de far pas pus de viradas fins que sián ecologicament duradissas. E mai presentèsson divendres passat en Jordania un nòu disc, entitolat Everyday life (Vida vidanta), la banda vòl consagrar almens una o doas annadas a pensar cossí organizar las viradas de concèrts de sòrta qu’ajan una repercussion ecologica minimala.
Atal o diguèt sus la BBC lo cantador del grop, Chris Martin: “Nosautres totes, totas las indústrias, devèm determinar qual es lo melhor biais de far nòstre trabalh. Lo problèma pus complicat son los avions. Consagrarem un o dos ans a pensar cossí podèm far per que nòstra virada siá pas solament duradissa mas tanben benefica, cossí podèm profechar de las ressorsas que crèa e obténer qu’ajan una repercussion positiva”.
Qualques organizacions environamentalistas an saludat l’iniciativa perque dobrís lo debat sul còst environamental de l’indústria de la musica en dirècte. D’autres an criticat la decision car i veson pas qu’una estrategia de marketing ont las decisions son perpensadas per ne tirar profièch.
En mai d’evitar los desplaçaments en avion, la banda pensa d’organizar d’espectacles ont s’utilize pas de plastic de l’usatge unic e ont l’electricitat emplegada provenga sustot de l’energia solara.
Dos concèrts sens public en Jordania
D’efièch, es a l’onor del Solelh qu’an presentat lo nòu disc en Jordania car la banda cercava “un endrech al mièg del Mond ont avèm pas costuma de jogar”. La presentacion se faguèt divendres passat a Amman amb dos concèrts sens public. Lo primièr dels concèrts l’an sonat “Sunrise” (Levar del Solelh) e lo faguèron justament a l’alba, e lo segon, entitolat “Sunset” (Tresmontada del Solelh), se tenguèt justament a aquela ora.
Deman diluns faràn una autra presentacion al Museu d’Istòria Naturala de Londres.
Lo disc precedent de Coldplay, A head full of dreams (Un cap plen de pantaisses), sortiguèt en 2015 e lo presentèron los dos ans seguents dins una virada mondiala amb 122 concèrts sus 4 continents.
Atal o diguèt sus la BBC lo cantador del grop, Chris Martin: “Nosautres totes, totas las indústrias, devèm determinar qual es lo melhor biais de far nòstre trabalh. Lo problèma pus complicat son los avions. Consagrarem un o dos ans a pensar cossí podèm far per que nòstra virada siá pas solament duradissa mas tanben benefica, cossí podèm profechar de las ressorsas que crèa e obténer qu’ajan una repercussion positiva”.
Qualques organizacions environamentalistas an saludat l’iniciativa perque dobrís lo debat sul còst environamental de l’indústria de la musica en dirècte. D’autres an criticat la decision car i veson pas qu’una estrategia de marketing ont las decisions son perpensadas per ne tirar profièch.
En mai d’evitar los desplaçaments en avion, la banda pensa d’organizar d’espectacles ont s’utilize pas de plastic de l’usatge unic e ont l’electricitat emplegada provenga sustot de l’energia solara.
Dos concèrts sens public en Jordania
D’efièch, es a l’onor del Solelh qu’an presentat lo nòu disc en Jordania car la banda cercava “un endrech al mièg del Mond ont avèm pas costuma de jogar”. La presentacion se faguèt divendres passat a Amman amb dos concèrts sens public. Lo primièr dels concèrts l’an sonat “Sunrise” (Levar del Solelh) e lo faguèron justament a l’alba, e lo segon, entitolat “Sunset” (Tresmontada del Solelh), se tenguèt justament a aquela ora.
Deman diluns faràn una autra presentacion al Museu d’Istòria Naturala de Londres.
Lo disc precedent de Coldplay, A head full of dreams (Un cap plen de pantaisses), sortiguèt en 2015 e lo presentèron los dos ans seguents dins una virada mondiala amb 122 concèrts sus 4 continents.
Champion Of The World#ColdplayJordan
— Coldplay (@coldplay) November 22, 2019
Watch live!
https://t.co/NrnaUysjOqpic.twitter.com/uioffOnTZa
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari