Actualitats
Sondatge en Alsàcia: lo 68% de las personas interrogadas reclama l’”independéncia” del Grand Èst e vòl recuperar una region pròpria
L’estudi revèla qu’una personas sus doas es favorabla a l’aument del sosten a l’alsacian
Lo 68% de la populacion alsaciana desira de se separar de la region Grand Èst e de recuperar una region estrictament alsaciana, segon lo resultat d’un sondatge publicat lo 7 de genièr passat. Un 55% ditz que sosten la creacion d’un nòu partit politic alsacian qu’aja la tòca d’aténher aquela independéncia, e un 57% poiriá votar per el.
Alsàcia s’integrèt a la region del Grand Èst, amb Lorena e Champanha-Ardena, per una decision de 2014 de l’Assemblada Nacionala francesa. La contèsta populara a la fusion obtenguèt lo sosten per l’estat francés de la creacion d’una Collectivitat d’Alsàcia, amb de competéncias pròprias, qu’intrarà en foncionament en 2021.
La collectivitat fusionarà los dos departaments alsacians del Bas Ren e del Naut Ren e permetrà a Alsàcia de tornar aver una administracion pròpria, mas la novèla collectivitat se separarà pas del Grand Èst.
Una persona sus doas favorabla a a l’aument del sosten a l’alsacian
Lo sondatge, elaborat per l’institut Ifop a la demanda del Club Perspectivas Alsacianas, a tanben interrogat sus l’estat de l’alsacian, la varianta de l’alemand parlada sus aquel territòri. L’estudi conclutz que lo 5% de la populacion parla mai que mai en alsacian, qu’un 25% emplega tant aquel idiòma coma lo francés, del temps que lo 70% restant es monolingüe en francés.
Lo 50% de las personas interrogadas considèra que l’administracion deuriá desvolopar de mesuras mai ambiciosas per refortir l’alsacian, particularament a l’escòla. Un 44% pensa que las mesuras actualas son sufisentas, e lo 6% restant voldriá que se retirèsse tot lo sosten a la lenga.
Aquesta nòva es adaptada de Nationalia amb qui Jornalet ten un acòrd de cooperacion
Alsàcia s’integrèt a la region del Grand Èst, amb Lorena e Champanha-Ardena, per una decision de 2014 de l’Assemblada Nacionala francesa. La contèsta populara a la fusion obtenguèt lo sosten per l’estat francés de la creacion d’una Collectivitat d’Alsàcia, amb de competéncias pròprias, qu’intrarà en foncionament en 2021.
La collectivitat fusionarà los dos departaments alsacians del Bas Ren e del Naut Ren e permetrà a Alsàcia de tornar aver una administracion pròpria, mas la novèla collectivitat se separarà pas del Grand Èst.
Una persona sus doas favorabla a a l’aument del sosten a l’alsacian
Lo sondatge, elaborat per l’institut Ifop a la demanda del Club Perspectivas Alsacianas, a tanben interrogat sus l’estat de l’alsacian, la varianta de l’alemand parlada sus aquel territòri. L’estudi conclutz que lo 5% de la populacion parla mai que mai en alsacian, qu’un 25% emplega tant aquel idiòma coma lo francés, del temps que lo 70% restant es monolingüe en francés.
Lo 50% de las personas interrogadas considèra que l’administracion deuriá desvolopar de mesuras mai ambiciosas per refortir l’alsacian, particularament a l’escòla. Un 44% pensa que las mesuras actualas son sufisentas, e lo 6% restant voldriá que se retirèsse tot lo sosten a la lenga.
Aquesta nòva es adaptada de Nationalia amb qui Jornalet ten un acòrd de cooperacion
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es una passa mai cap a la recuperacion de l'identitat alsaciana amb sa lenga germanica. Poder escoltar las emissions en aleman de television, legir los diaris vesins que poden posar informacion d'Alsacia, es una gran causa, que las mentidas del chauvinistas intolerants contra los alçacians solament mostra la seva manca de cultura.
Se parlan 2 variantas germanicas en Alsàcia, l'alemanic e le francic al nòrd, que son tanben presentas e mai vivas (diglossia) en Alemanha e Soiça vesinas.
En França se demòra un sostèn de lenga regionala gaireben estranhièira, que fa saique doblon ambe allemand.
A lexic egal important ambe l'alemand, la lenga locala s'ause coma una mudason mai que mai vocalica, (tot coma les parlars occitans ambel francés en una mendra mesura), e per ansí d'interès limitat en comunicacion.
Le trabalh frontalièr, que s'i contunha la practica orala, es una font de resistència o de resiliència non negligibla.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari