Actualitats
Coronavirus en Occitània: confinament dins las Valadas, escòlas barradas en Aran e dins la rèsta del país
Emmanuel Macron anoncièt ièr de ser que l’estat francés passava a de mesuras mai radicalas per frenar l'epidemia
Occitània entièra es en alèrta per la crisi de la malautiá del coronavirus 2019 (de la covid-19), que l’Organizacion Mondiala de la Santat considèra ara coma una pandemia. Las Valadas e la Gàrdia son en confinament, coma tota la rèsta de l’estat italian, e totes los centres escolars d’Aran son barrats tre uèi, coma dins la rèsta del Principat de Catalonha. La rèsta del país es en estat d’alèrta e seguís las mesuras qu’anoncièt ièr de ser lo president de França Emmanuel Macron, en cridant a una mobilizacion estatala e europèa per frenar l'epidemia e luchar contra sas consequéncias socialas e economicas.
Après la consulta de scientifics e mètges, lo president Macron decidiguèt, contra l'opinion exprimida de matin pel ministre de l'educacion Blanquer, que totas las gardariás d'enfants, las escòlas, los collègis, los licèus e las universitats barrarián dins tot l'Estat a partir de diluns e fins a novèl òrdre. Tanben anoncièt l'aument de las capacitats d'acuèlh dels espitals e l'ajornament de las operacions e dels suènhs non urgents, e de mesuras economicas e socialas per compensar lo confinament de salariats e las consequéncias de la crisi que la descadena la covid-19. Per exemple, s'esperlongarà de dos meses l'impossibilitat d'expulsar qualqu'un de son lotjament. Lo cap de l'estat francés cridèt, en mai d'aquò, l'Union Europèa e lo G7 a d'iniciativas per relançar l'economia ara damatjada, e a tanben a l'union, en fasent allusion a la decision controversiada del president estatsunidenc Trump d'empachar los ciutadans europèus d'accedir al territòri dels Estats Units durant un mes.
Enfin, convidèt las personas mai freulas a demorar a l'ostal e, de manièra generala, tota la populacion a limitar los desplaçaments e los contactes fisics, e a seguir las mesuras d'igiène.
Occitània Granda: mantenement de las eleccions municipalas
Totun, mentre que de rumors prevesián lo repòrt de las eleccions municipalas, organizadas los 15 e 22 de març en Occitània Granda e dins tot l'estat francés, Emmanuel Macron n'a mantengudas las datas. I aurà sonque de "mesuras barrièra" per prevenir los risques de propagacion del virus durant aqueles eveniments electorals.
Après la consulta de scientifics e mètges, lo president Macron decidiguèt, contra l'opinion exprimida de matin pel ministre de l'educacion Blanquer, que totas las gardariás d'enfants, las escòlas, los collègis, los licèus e las universitats barrarián dins tot l'Estat a partir de diluns e fins a novèl òrdre. Tanben anoncièt l'aument de las capacitats d'acuèlh dels espitals e l'ajornament de las operacions e dels suènhs non urgents, e de mesuras economicas e socialas per compensar lo confinament de salariats e las consequéncias de la crisi que la descadena la covid-19. Per exemple, s'esperlongarà de dos meses l'impossibilitat d'expulsar qualqu'un de son lotjament. Lo cap de l'estat francés cridèt, en mai d'aquò, l'Union Europèa e lo G7 a d'iniciativas per relançar l'economia ara damatjada, e a tanben a l'union, en fasent allusion a la decision controversiada del president estatsunidenc Trump d'empachar los ciutadans europèus d'accedir al territòri dels Estats Units durant un mes.
Enfin, convidèt las personas mai freulas a demorar a l'ostal e, de manièra generala, tota la populacion a limitar los desplaçaments e los contactes fisics, e a seguir las mesuras d'igiène.
Occitània Granda: mantenement de las eleccions municipalas
Totun, mentre que de rumors prevesián lo repòrt de las eleccions municipalas, organizadas los 15 e 22 de març en Occitània Granda e dins tot l'estat francés, Emmanuel Macron n'a mantengudas las datas. I aurà sonque de "mesuras barrièra" per prevenir los risques de propagacion del virus durant aqueles eveniments electorals.
DIRECT - Coronavirus : allocution d'Emmanuel Macron en direct de l'Élysée https://t.co/GUn7i5iFVO
— Brut FR (@brutofficiel) March 12, 2020
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Leis epidémias dau passat non se pòdon comparar aisidament amb la de uèi. quitament la darriera, la gripa espanhòla, qu’arrivèt aprèp la guerra granda, e que seis impacts son de mau destriar d.amb aquestei de la guerra, dins una societat encara fòrt rurala.
Uèi lei mejans de transpòrt e de communicacion son mondiaus e mai lèsts , doncas la pandemia accelerada. Lei mejans de luchar contre tanben.
Lei populacions non son pas mai ruralas, ni autonòmas, lei joves enfants mens tocats, per l’ora.
Leis effiechs sus lei regimes governamentaus seràn d’estudiar, segon lei paises, mai non me sembla que la reparticion dei riquessas serà revolucionada per Lo covid19...coma o foguèt amb la pèsta dau segle 18, que Lo manca de man d’òbra e de joves provoquèron una certa revalorisacion dau trabalh e una devalorisacion relativa de la proprietat. De seguir...
A l'arribada de la prima vesem de novel florir, prats e camps reverdecir, rius e fontanas esclarsir, auras e vents. Lo solel escaufa mai e lo grip s'en va.
#6 Cal pas créser que les allemands sián tan bons qu'aquò per gerir aquera crisi! Ma filha e son òme i son medecins e disen qu'es un bordèl gigantàs: i a pas pus ni mascas ni desinfectant, les cabinets medicals son pas liurats; saben pas tanpauc quin fèr amb sos mainatges, grépias e escòlas siràn tampadas dimars mès i a pas res de previst pels mainatges dels suenhants, ni programa de remplaça pels escolans ,an pas d'equivalent del CNED francés.
#1 Aitanben me demande coma aquelos ipocritas pòdon explicar la tenguda d'Alemanha fàcia la malaudiá mentre qu'aquela d'aquí es tant descentralizada coma Itàlia e Espanha...
De pan benesit per lo Macron. Tot es doblidat, l'arnèsca de las retiradas, la crida dels gilets jaunes, la pèrda del poder de compra, los escandals e las demissions en cascada dels ministres, l'amateurism e l'ineficacitat dels diputats macronistas servilament als ordres mas auturencs e mespresents amb lo poble, l'autoritarism dictatorial e trufarèl de tonton Philippe tot content de nos sortir son 49.3, los mediàs al servici de la propaganda del govèrn, l'omertà granda e totjorn en vigor al sicut de l'afar Benalla...eca...eca.... Tot es doblidat, del passat faguèm taula rasa, plaça a l'union sacrada ! Una escasença en aur per lo Macronèt que s'es magicament mudat en salvador providencial, en Churchill, en De Gaulle, en Napoléon, en recampaire messianic de la patria en perilh, coma a Valmy, coma a Verdun. Cerèsa sus la coca, s'a las municipalas venentas LREM se pren un carpan tras que prevesible lo govèrn aurà l'excusa de dire que vist las condicions excepcionalas degudas a l'epidemia aquela votacion rebata pas vertadièrament la realitat e compta per de burre. A l'Elisèu una armada de comunicants (pagats per nosautres ! ) trabalha de longa per qu'aquèsta diversion providenciala aprofiecha lo mai possible a la macronia e a son " Jupiter". Sauvat per lo gong !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari