La companhiá aeriana Avianca se declara en quincanèla a causa de l’impacte de la pandemia del coronavirus 2019. La societat a declarat qu’aderís al Capítol 11 de la lei sus las falhidas dels Estats Units per “preservar e reorganizar” sos afars, e atal assegurar que contunharà son activitat.
 
Avianca a tanben anonciat qu’es en convèrsa amb lo govèrn colombian per obténer un sosten economic. La societat considèra que l’ajuda publica serà “essenciala” per subreviure. A l’ora d’ara ten aperaquí 21 000 salariats en America latina.
 
S’agís de la principala companhiá aeriana de Colómbia e de la segonda pus anciana del Mond après KLM.
 
 

Hoy hemos anunciado nuestra intención voluntaria de reorganización en los Estados Unidos de América para preservar y fortalecer nuestros negocios para el futuro. Para conocer más: https://t.co/2DVXVvsP0w. Avianca #SeguiráVolandopic.twitter.com/NSHMrdVTSH

— Avianca (@Avianca) May 10, 2020