Bandièra01 1180x150: Comuna de Tolosa

Actualitats

EconomiaInternacionalPoliticaSocietat

Nòva Zelanda: Jacinda Ardern prepausa la setmana de trabalh de quatre jorns per afrontar la crisi del coronavirus

Los ciutadans neozelandeses son majoritàriament contents de la gestion de la crisi del coronavirus que l’a facha ela, e Ardern poiriá ganhar largament las eleccions de setembre

| AFP
La setmana de trabalh de quatre jorns: es la proposicion que l'a facha als entrepreneires la primièra ministra de la Nòva Zelanda, Jacinda Ardern, per impulsar l’economia après lo confinament a causa del coronavirus, qu’a arrestat durant sèt setmanas tota l’activitat del país e gaireben de la planeta. Aquela proposicion implicariá, en consequéncia, de dimenjadas mai longas qu’ajudariá lo sector ostalièr e toristic. A mai, Ardern assegura que lo teletrabalh pendent la pandemia a demostrat que los salariats pòdon èsser productius s’an mai de flexibilitat d’oraris, çò rapòrtaThe Guardian.
 

 
Lo primièr ministre mai popular dels darrièrs 100 ans
 
De fach, los ciutadans neozelandeses son majoritàriament contents de la gestion de la crisi del coronavirus que l'a realizada Jacinda Ardern. E mai a l’ora d’ara govèrne en coalicion amb dos autres partits, segon los sondatges obtendriá la majoritat absoluda dins las eleccions venentas, previstas pel 19 de setembre que ven.
 
Durant la pandemia, Ardern a fach de compareissenças virtualas per explicar la situacion a la mainada. En aquel país i a environ 1150 infectats dont 21 personas son mòrtas a causa de la Covid-19. Pendent la crisi, la primièra ministra a anonciat una baissa de son salari, lo dels ministres e los caps de son govèrn del 20% pendent sièis meses. A mai, se bat per que los proprietaris dels immòbles aumenten pas lo prètz dels loguièrs e los empura a èsser de “bons ciutadans” e de “bons èsser umans”.
 
Segon un sondatge publicat per Reuters, Jacinda Ardern es lo primièr ministre mai popular de la Nòva Zelanda dels darrièrs cent ans.
 
 
Prestigi internacional
 
Ardern a ganhat, d'efièch, fòrça prestigi internacional, mai que mai dins lo mond de pensada progressista, per aver mes en plaça un budget pionièr que prioriza lo benèsser dels ciutadans. Tanben ganhèt la simpatiá de fòrça occitans quand declarèt que sa filha creisseriá en mestrejant tant l’anglés coma lo maòri.

 
 
 
 
 
 
 
 
 
 
 
abonar los amics de Jornalet
 
 

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Maignial Galhac
1.

Dins aquel temps aqui vòlon instaurar la setmana de 60 oras, suprimir de jorns feriats et contrarotlar las periòdes de vacanças. Trabalhar cada còp mai quora ja i an de milions de caumaires e que la planeta n'es malauta... Jacinda Ardern, voletz pas èstre la nòstra presidenta en plaça del palhassa qu'avèm dempuèi 3 annadas en França?

  • 4
  • 0

Escriu un comentari sus aqueste article