Actualitats
Wuhan: de milièrs de personas an participat a una fèsta tècno dins un pargue aqüatic
Per d’unes, es un imatge del retorn a la normalitat de la primièra vila confinada per la covid-19. Per d’autres, es un eveniment polemic
An fach a Wuhan (China) una granda fèsta de musica electronica dins l’aiga qu’a amassat de milièrs de personas sens distància de seguretat ni mascas. Segon qualques mèdias, es un imatge que mòstra lo retorn a la normalitat d’aquela vila que foguèt la primièra a èsser confinada per la covid-19. Per d’autres, s’agís d’un eveniment fòrça polemic.
La fèsta reüniguèt de milièrs de personas dins un pargue aqüatic qu’a l’ora d’ara permet l’intrada al 50% de sa capacitat. Los imatges difusats per l’AFP mòstran una molonada de festejaires sens cap de restriccion de seguretat qu’obsèrvan l’espectacle dins l’aiga o sus batèls conflables, e que dançan al son de la musica tècno.
Wuhan foguèt la primièra vila ont se raportèt la covid-19; la vila foguèt isolada e sos abitants confinats pendent 76 jorns entre genièr e abril. Dempuèi lo mes de mai s’es pas notificat cap d’autre cas d’infeccion pel coronavirus. Ara Wuhan cèrca de tornar amodar son economia grèvament afectada per la pandemia.
En China se contunha de limitar los desplaçaments e se pòrta la masca en public. Totun, lo coronavirus es estat ben contrarotlat e dins los darrièrs jorns an a pena qualques desenas de nòus cases de covid-19, segon las donadas oficialas.
La fèsta reüniguèt de milièrs de personas dins un pargue aqüatic qu’a l’ora d’ara permet l’intrada al 50% de sa capacitat. Los imatges difusats per l’AFP mòstran una molonada de festejaires sens cap de restriccion de seguretat qu’obsèrvan l’espectacle dins l’aiga o sus batèls conflables, e que dançan al son de la musica tècno.
Wuhan foguèt la primièra vila ont se raportèt la covid-19; la vila foguèt isolada e sos abitants confinats pendent 76 jorns entre genièr e abril. Dempuèi lo mes de mai s’es pas notificat cap d’autre cas d’infeccion pel coronavirus. Ara Wuhan cèrca de tornar amodar son economia grèvament afectada per la pandemia.
En China se contunha de limitar los desplaçaments e se pòrta la masca en public. Totun, lo coronavirus es estat ben contrarotlat e dins los darrièrs jorns an a pena qualques desenas de nòus cases de covid-19, segon las donadas oficialas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
China auriá bien contarotlat la malaudiá ? Mas dijatz‑me coma podriem seriosament creire un país capable, fai quasi cinc mes, d'anonciar oficialament la mòrt de praquí 3 000 personas en tot comandar segretament 40 000 urnas funeràrias ? Tot aquò me sembla mai una guerra freida mediatica menada per moien daus jornaus e rasaus sociaus per daurar mai son imatge bien bravament degalhat après la venguda d'aquela puta de micròbe...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari