Actualitats
Lo Parlament Europèu confirma que finançarà pas la corrida
Dins las negociacions sus la reforma de la Politica Agricòla Comuna, la cambra a refusat tornarmai de donar de subvencions a las “bòrias de bestial bovin” destinadas a la corrida
Lo Parlament Europèu afortís que la tauromaquia se pòt pas finançar amb los fonzes agricòlas europèus. Dins l’encastre de las negociacions amb los estats membres sus la reforma de la Politica Agricòla Comuna (PAC), l’eurocambra a refusat tornarmai, per 335 vòtes en favor, 297 contra e 60 abstencions, de donar de subvencions a las “bòrias de bestial bovin” destinadas a la corrida.
L’europarlament aviá defendut en 2015 la supression d’aquelas ajudas e ara a ratificat aquela decision abans de negociar tot l’ensemble de reformas de la PAC amb los estats membres. Las convèrsas se perlongaràn durant los meses venents e s’espèra pas que la reforma de la PAC pòsca intrar en vigor abans 2022.
L’europarlament aviá defendut en 2015 la supression d’aquelas ajudas e ara a ratificat aquela decision abans de negociar tot l’ensemble de reformas de la PAC amb los estats membres. Las convèrsas se perlongaràn durant los meses venents e s’espèra pas que la reforma de la PAC pòsca intrar en vigor abans 2022.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La tortura e lo crim solament es tolerat per Madrid e sas provincias.
Los aficionados se'n chautan, lo govèrnament espanhòl la financiarà amb l'argent dels espanhòls, catalans compreses...
Tant mièlhs! Es una costuma barbara, tant coma la pesca electrica o la caça a corre
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari