L’UNÈSCO planguèt dimècres passat que pendent l’an 2020 se foguèsse enregistrat l’assassinat de 59 jornalistas per aver fach lor trabalh. D’aquestes, quatre èran de femnas. Segon lo rapòrt de l’organizacion de l’ÒNU consagrada a l’educacion, la sciéncia e la cultura, la majoritat d’aqueles crimes son estats comeses en America latina e en Asia-Pacific amb 22 murtres dins caduna de las regions.
 
Dins lo decenni que sèm a quitar, un total de 888 jornalistas son estats assassinats per aver exercit lor trabalh, segon lo rapòrt publicat. La donada pus esfraiosa es que l’87% d’aqueles assassinats son demorats impunits, çò qu’afeblís la libertat de premsa, segon la directritz generala de l’UNÈSCO, Audrey Azoulay. En mai d’aquò, Azoulay a senhalat que la pandemia de la covid-19 a creat “la tempèsta perfiècha” qu’a afeblit la libertat de premsa pertot.

 

At least 59 media workers have been killed this year, four of them women, the @UN said on Wednesday.
While according to @UNESCO: On average over the past decade, one journalist has lost their life every four days
https://t.co/YXoysEarXb

— Amar Guriro امر گُرڑو (@amarguriro) December 24, 2020