Es jos premsa lo segond numèro de la revista de Jornalet en papièr. Après la polida experiéncia del numèro 1, la redaccion prepausa desenant un tèma cada an, per tal de retraire l’evolucion del subjècte raportat long dels meses o dels ans. Dins aqueste numèro se tractan dos tèmas. D’un caire, se remembra lo combat contra lo projècte d’un barratge dins lo bòsc de Sivens que costèt la vida al jove ecologista tolosan Rémi Fraisse. D’autre caire, lo numèro tracta los omenatges que la Generalitat de Catalonha rendèt pendent l’an 2019 a Robèrt Lafont e a l'escrivan aranés Jusèp Condò. Dins aquel sens, la revista publica un article inedit de Jèp de Montoya sus l’escrivan aranés. A mai, la revista conten una seleccion de las opinions pus legidas, e se clava en recordant la necrologia de Rosina de Pèira, l’icòna de la nòva cançon occitana e maire del folk occitan, que nos quitèt en junh de 2019. Per far la seleccion avèm pres en compte las avaloracions dels legeires, los comentaris e los nombres de vesitas.
 
Aqueste numèro 2 de Jornalet en papièr compta 56 paginas. Lèu se metrà en venda a 10 èuros per exemplar, e i aurà d'ofèrtas especialas pels que voldràn los numèros 1 e 2. Tanben se mandarà a gratis als qu'an collaborat a las campanhas de micromecenatge, als sòcis dels Amics de Jornalet e de l'Associacion per la Difusion d'Occitània en Catalonha (ADÒC).
 
La revista arriba amb un pauc de retard, a causa de las consequéncias de la crisi de la covid-19. Es previst, totun, que desenant sortirà un numèro monografic cada an.
 
Agachatz l'ensenhador del numèro:
 
:

 
Lo numèro 1 de Jornalet en papièr
 
De remembrar que lo numèro 1 de Jornalet en papièr conten una seleccion dels melhors articles publicats per Jornalet, long de sas primièras sèt annadas, 2012-2018. Al total, lo numèro de la revista compta 84 paginas ont se tròba doas informacions de cada an, una nacionala e una internacionala, sèt entrevistas e catòrze articles d’opinion. Escricha en una lenga de qualitat, la revista conten d’articles en totes los dialèctes occitans.
 
Vejatz l'ensenhador del numèro 1:
 
:
 

 

fffff		fffff
	La revista de Jornalet en papièr se metrà en venda en genièr de 2021 per mejan d'una botiga en linha. Ça que la, los centres culturals, estanquets, botigas, librariás del país que ne desirarián un fons de qualques exemplars en depaus per los metre en venda, son pregats de contactar la redaccion per e-mail (info(a)jornalet.com) o per telefòn al +34 625 469 373.