Actualitats
Pas de carnaval a Limós
Es un pauc fòrt de cafè qu’a un moment ont se demanda a totas e totes de portar una masqueta s’interdiga las sortidas de grops mascats
Se d’unes se demandavan encara s’aquel afar de pandemia e de confinhament es quicòm de seriós e de grèu, n’avèm ara una pròva definitiva e segura amb la decision presa per la comuna de Limós d’anullar l’edicion 2021 del Carnaval de la Ciutat Blanquetièra qu’es, coma cadun·a o sap, lo mai long del Mond.
Aprèp un arrèst sens cremacion l’an passat, nos vaquí a l’estadi superior: pas brica de Carnaval, lo primièr còp dempuèi la represa de 1946 .
Es un brave pan de la vida culturala, festiva, sociala, umana qu’es mes a mal. Se las condicions sanitàrias o permeton, lo comitat considerariá d’organizar una mena de sortida de totas las bandas sus una dimenjada. Mas, coma pertot en çò que concernís lo calendièr de las manifestacions culturalas, aquò va demorar dins lo fosc per ara.
Del temps de la Segonda Guèrra Mondiala, de limosencs faguèron de sortidas clandestinas de las fecas. Ongan, per la presentacion del tèma de las sortidas del dimenge de matin, las bandas aurián agut de tèmas totes trapats a metre endavant amb tota la derision carnavalesca que seriá estada portaira de mai de vertat que lo grand concèrt de novèlas falsas, que las teorias falordas e complotistas e los cambiaments de pè de contunh de las decisions governamentalas. Es un pauc fòrt de cafè (e los cafès, es pas çò que manca sus la Plaça de la Republica!) qu’a un moment ont se demanda a totas e totes de portar una masqueta s’interdiga las sortidas de grops mascats (e, de còps, emmascats)! Se traparà de carnavalièrs per desfisar la seguretat globala, dins lo respècte (o pas) del cobrifòc e de las règlas sanitàrias?
Lo jutjament e lo fuòc an per tòca de se desbarrassar dels trastes e problèmas de l’an d’abans: sens tribunal e sens Adieu, paure Carnaval!, sens la crida annadièra al retorn de la prima, es faire la causida de se cargar de la covid-19 per un brave moment encara e demorar dins una tristor ivernenca.
Es pas en 2021 que farem de Carnaval nòstra fèsta nacionala!
Godilh Roch
Aprèp un arrèst sens cremacion l’an passat, nos vaquí a l’estadi superior: pas brica de Carnaval, lo primièr còp dempuèi la represa de 1946 .
Es un brave pan de la vida culturala, festiva, sociala, umana qu’es mes a mal. Se las condicions sanitàrias o permeton, lo comitat considerariá d’organizar una mena de sortida de totas las bandas sus una dimenjada. Mas, coma pertot en çò que concernís lo calendièr de las manifestacions culturalas, aquò va demorar dins lo fosc per ara.
Del temps de la Segonda Guèrra Mondiala, de limosencs faguèron de sortidas clandestinas de las fecas. Ongan, per la presentacion del tèma de las sortidas del dimenge de matin, las bandas aurián agut de tèmas totes trapats a metre endavant amb tota la derision carnavalesca que seriá estada portaira de mai de vertat que lo grand concèrt de novèlas falsas, que las teorias falordas e complotistas e los cambiaments de pè de contunh de las decisions governamentalas. Es un pauc fòrt de cafè (e los cafès, es pas çò que manca sus la Plaça de la Republica!) qu’a un moment ont se demanda a totas e totes de portar una masqueta s’interdiga las sortidas de grops mascats (e, de còps, emmascats)! Se traparà de carnavalièrs per desfisar la seguretat globala, dins lo respècte (o pas) del cobrifòc e de las règlas sanitàrias?
Lo jutjament e lo fuòc an per tòca de se desbarrassar dels trastes e problèmas de l’an d’abans: sens tribunal e sens Adieu, paure Carnaval!, sens la crida annadièra al retorn de la prima, es faire la causida de se cargar de la covid-19 per un brave moment encara e demorar dins una tristor ivernenca.
Es pas en 2021 que farem de Carnaval nòstra fèsta nacionala!
Godilh Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se parla tanben de 4 carnavalièrs que virèron sus la plaça lo dimenge de matin.
Dimenge, a 5 oras del vèspre, 4 molinièrs faguèron lo torn de las Arcadas, en tustant a la pòrta dels cafès que demorèron tampadas !
Nos interdison de manifestar mascats, puèi nos venon interdire just après de sortir per carrièra sense masqueta. E quand ven l'ora e sortir las masquetas, tant lor val de nos interdire de sortir, tot cort…
Es ben domagi de pas poder veire per carrièras aqueleis afogat de carnaval e de tradicions !
Ne sem pas a la primièra aberacion dempuèi la debuta de la pandemia ! De que nos van levar encara ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari