Actualitats
Rugbi XIII: aborigèns e maòris dobrisson la sason del XIII als antipòdes
Una ceremònia bèla faguèt una referéncia afortida a l’identitat dels dos pòbles
Alan Roch
Tèxte legit
Aqueste dissabte 20 de febrièr, s’entamenèt la sason del XIII als antipòdes. Sul terren de Townsville, en preséncia dels 25 000 espectators autorizats, se joguèt en primièr l’oposicion entre las esquipas femeninas de las aborigènas e de las maòris que virèt a l’avantatge de la formacion neozelandesa (24-0).
Seguiguèt la partida dels òmes. Los jogaires de Melbourne, a la demanda de las autoritats de Queensland, foguèron interdits de desplaçament en rason del virus. Una ceremònia bèla amb lo haka maòri e lo crit de guèrra dels aborigèns (acompanhat de lanças, bloquièrs e maçugas) balhèt lo ritme a la partida: èrem pas dins una celebracion folclorica mas dins una referéncia afortida a l’identitat dels 2 pòbles.
Vos recomandi de gaitar aquelas uèit minutas fòrtas:
Los maòris dominèron lo primièr acte, mas a la pausa lo planchòt indicava un magrinèl 2-0 pels aborigèns. En marcant dos ensages, los maòris pensèron de faire la diferéncia. Mas dins las darrièras minutas, lo capitani Latrell Mitchell desliurèt una passa al pè per son alièr, ensaquèt la transformacion dempuèi la linha de tòca e, a doas minutas de la còrna, passèt la penalitat que clavèt la partida sus una marca d’egalitat: 10-10. (Tota la partida)
E ara, esperam lo dijòus 11 de març per la debuta del campionat NRL de 2021 amb la partida Melbourne-Lapinons!
Elèit 1: tres partidas de ratrapatge
Amb tres partidas al programa, lo campionat d’Elèit 1 començava sa mesa a jorn.
Dissabte, a Sant Estève, Vilanòva dobrissiá la marca mas los Dragonets menavan 18-4 a la pausa per véncer fin finala 26-16; lo mesclanha Cedric Rougé marquèt tres ensages.
A Albi, Carcassona marquèt sus sas primièras doas atacas, mas los locals o entendián pas atal. Los Tigres tornèron a 12-18 a la pausa. A la represa, Herrero passa una penalitat pels Canaris, Alexis Escamillà punta l’ensag. Los locals marcan mercé a l’alièr Nittim Pedrero e tornan a 16-24 a un quart d’ora de la fin, mas lo pilar Drodrolagi travèrsa lo ridèu defensiu tarnés: Albi se deurà contentar del punt de bònus defensiu: 30-18 per Carcassona.
Dimenge, una batèsta opausava al pè dels Pirenèus St Gaudenç e Avinhon: en s’apiejant sus l’experiéncia del Championship e de la Superliga de Jouffret e Gigòt, los Bisons fan la diferéncia (26-6) e s’afirman coma de pretendents serioses a la qualificacion.
Doas partidas bèlas son al programa de la jornada venenta:
Dragonets-Carcassona e lo dèrbi Lesinhan-Limós. Se jogaràn tanben las partidas Palau-Tolosa, Albi-St Gaudenç e Avinhon-Vilanòva.
Dragons: represa de l’entraïnament
Los Dragons Catalans poiràn reprene las sesilhas collectivas d’entraïnament lo diluns 1r de març. Un rescontre amical amb lo Tolosa Olimpic es programat pel dissabte 13 de març de vèspre sus l’estadi Brutus.
La Superliga es a mand de pèrdre son director Rob Elstone que demissiona alara que los dreits de television son en discussion amb Sky-Sports e alara que la Rugby Football League a pas mai coma president d’onor lo prince Harry que ten pas mai de responsabilitats ligadas a son estatut de membre de la familha reiala! Serà pas mai obligat (lo paure) de seguir las finalas de la Cup a Wembley.
Alan Roch
Seguiguèt la partida dels òmes. Los jogaires de Melbourne, a la demanda de las autoritats de Queensland, foguèron interdits de desplaçament en rason del virus. Una ceremònia bèla amb lo haka maòri e lo crit de guèrra dels aborigèns (acompanhat de lanças, bloquièrs e maçugas) balhèt lo ritme a la partida: èrem pas dins una celebracion folclorica mas dins una referéncia afortida a l’identitat dels 2 pòbles.
Vos recomandi de gaitar aquelas uèit minutas fòrtas:
Los maòris dominèron lo primièr acte, mas a la pausa lo planchòt indicava un magrinèl 2-0 pels aborigèns. En marcant dos ensages, los maòris pensèron de faire la diferéncia. Mas dins las darrièras minutas, lo capitani Latrell Mitchell desliurèt una passa al pè per son alièr, ensaquèt la transformacion dempuèi la linha de tòca e, a doas minutas de la còrna, passèt la penalitat que clavèt la partida sus una marca d’egalitat: 10-10. (Tota la partida)
E ara, esperam lo dijòus 11 de març per la debuta del campionat NRL de 2021 amb la partida Melbourne-Lapinons!
Elèit 1: tres partidas de ratrapatge
Amb tres partidas al programa, lo campionat d’Elèit 1 començava sa mesa a jorn.
Dissabte, a Sant Estève, Vilanòva dobrissiá la marca mas los Dragonets menavan 18-4 a la pausa per véncer fin finala 26-16; lo mesclanha Cedric Rougé marquèt tres ensages.
A Albi, Carcassona marquèt sus sas primièras doas atacas, mas los locals o entendián pas atal. Los Tigres tornèron a 12-18 a la pausa. A la represa, Herrero passa una penalitat pels Canaris, Alexis Escamillà punta l’ensag. Los locals marcan mercé a l’alièr Nittim Pedrero e tornan a 16-24 a un quart d’ora de la fin, mas lo pilar Drodrolagi travèrsa lo ridèu defensiu tarnés: Albi se deurà contentar del punt de bònus defensiu: 30-18 per Carcassona.
Dimenge, una batèsta opausava al pè dels Pirenèus St Gaudenç e Avinhon: en s’apiejant sus l’experiéncia del Championship e de la Superliga de Jouffret e Gigòt, los Bisons fan la diferéncia (26-6) e s’afirman coma de pretendents serioses a la qualificacion.
Doas partidas bèlas son al programa de la jornada venenta:
Dragonets-Carcassona e lo dèrbi Lesinhan-Limós. Se jogaràn tanben las partidas Palau-Tolosa, Albi-St Gaudenç e Avinhon-Vilanòva.
Dragons: represa de l’entraïnament
Los Dragons Catalans poiràn reprene las sesilhas collectivas d’entraïnament lo diluns 1r de març. Un rescontre amical amb lo Tolosa Olimpic es programat pel dissabte 13 de març de vèspre sus l’estadi Brutus.
La Superliga es a mand de pèrdre son director Rob Elstone que demissiona alara que los dreits de television son en discussion amb Sky-Sports e alara que la Rugby Football League a pas mai coma president d’onor lo prince Harry que ten pas mai de responsabilitats ligadas a son estatut de membre de la familha reiala! Serà pas mai obligat (lo paure) de seguir las finalas de la Cup a Wembley.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aqueste diluns de ser, la Federación anoncièt l'enquadrament novèl de las equipas de França : https://www.ffr13.fr/actualite-a-la-une/communique-officiel-presentation-des-nouveaux-staffs-des-equipes-de-france/
e una partida Dragons-XIII del President (jogaires d'Elit-1) pel dissabte 6 de març a Perpinhan.
I tornarai dins la cronica de la setmana que ven.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari