Actualitats
Haití demanda de sosten militar als Estats Units e a l’ÒNU
La polícia haitiana a identificat 28 mercenaris coma los responsables de l’assassinat del president, Jovenel Moïse
Tèxte legit
Lo govèrn d’Haití a demandat als Estats Units e a l’ÒNU de sosten militar per protegir qualques infrastructuras clau del país, après l’assassinat del president Jovenel Moïse, dimècres passat. Los Estats Units a refusat d’i mandar de soldats, mas i a enviat de foncionaris de l’FBI e del Departament de Seguretat Nacionala per ajudar a cercar los assassins. En çò que tanh a l’ÒNU, sonque poirà mandar de militars s’o apròva lo Conselh de Seguretat.
La polícia haitiana a identificat 28 mercenaris coma los responsables de l’assassinat, dont almens 17 los an arrestats a Port au Prince e d’autres 4 los a tuats la polícia al moment d’ensajar d'escapar lor detencion. Segon lo govèrn haitian, qualques unes dels assassins son de soldats colombians retirats. Las autoritats de Colómbia an dich que son a metre en examen quatre societats qu’aurián de ligams amb los detenguts. Taiwan a confirmat qu’onze dels suspèctes detenguts foguèron trobats dins son consolat.
La mòrt del president a causat de rambalhs dins lo país, qu’a l’ora d’ara se tròba en estat d’urgéncia. Mentretant, de molonadas s’amassan davant l’ambaissada dels Estats Units amb lors passapòrts a la man en tot sollicitar l’asil.
Moïse aviá 53 ans. Foguèt investit president en febrièr de 2017. Son mandat foguèt marcat per las protèstas antigovernamentalas, que dempuèi julhet de 2018 an daissat environ 200 mòrts. Èra tanplan acusat de corrupcion e d’aver censurat la premsa. El governava per decret dempuèi mai d’una annada a causa de l’abséncia d’un parlament elegit.
Moïse aviá fach un calendièr electoral per cercar de metre fin a l’instabilitat politica. Al començament aviá convocat un referendum per reformar la Constitucion en abril, puèi lo reportèt a junh e fin finala a setembre, durant lo primièr torn de la presidenciala.
Aquela incertitud afècta tanben lo govèrn, que lo dirigís lo primièr ministre, Claude Joseph, dempuèi abril. Qualques jorns abans lo crime, lo president aviá nomenat Ariel Henry, ancian responsable del Ministèri de l’Interior, coma nòu primièr ministre. L’aviá encargat de resòlver lo “problèma flagrant” de l’inseguretat e de sosténer lo conselh electoral per far las eleccions generalas e lo referendum.
La polícia haitiana a identificat 28 mercenaris coma los responsables de l’assassinat, dont almens 17 los an arrestats a Port au Prince e d’autres 4 los a tuats la polícia al moment d’ensajar d'escapar lor detencion. Segon lo govèrn haitian, qualques unes dels assassins son de soldats colombians retirats. Las autoritats de Colómbia an dich que son a metre en examen quatre societats qu’aurián de ligams amb los detenguts. Taiwan a confirmat qu’onze dels suspèctes detenguts foguèron trobats dins son consolat.
La mòrt del president a causat de rambalhs dins lo país, qu’a l’ora d’ara se tròba en estat d’urgéncia. Mentretant, de molonadas s’amassan davant l’ambaissada dels Estats Units amb lors passapòrts a la man en tot sollicitar l’asil.
Moïse aviá 53 ans. Foguèt investit president en febrièr de 2017. Son mandat foguèt marcat per las protèstas antigovernamentalas, que dempuèi julhet de 2018 an daissat environ 200 mòrts. Èra tanplan acusat de corrupcion e d’aver censurat la premsa. El governava per decret dempuèi mai d’una annada a causa de l’abséncia d’un parlament elegit.
Moïse aviá fach un calendièr electoral per cercar de metre fin a l’instabilitat politica. Al començament aviá convocat un referendum per reformar la Constitucion en abril, puèi lo reportèt a junh e fin finala a setembre, durant lo primièr torn de la presidenciala.
Aquela incertitud afècta tanben lo govèrn, que lo dirigís lo primièr ministre, Claude Joseph, dempuèi abril. Qualques jorns abans lo crime, lo president aviá nomenat Ariel Henry, ancian responsable del Ministèri de l’Interior, coma nòu primièr ministre. L’aviá encargat de resòlver lo “problèma flagrant” de l’inseguretat e de sosténer lo conselh electoral per far las eleccions generalas e lo referendum.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Ieu siái pas d'aquela còla del "Risolièr bèl" dont parlatz, siái de la còla dels admiraires del President Macron
Demandar l'ajuda als Estats Units es coma las polas que demandan d'ajuda a la mandra.
#3 M 'estonariá pas gaire qu'aquel "serial" trollejaire faga partida de la chorma dels tieus amics del Risolièr bèl ! De monde fòrça simpatics...
#2 Mon paubre, si podias 'restar de trollejar emb de las conarias, de la gent creban alai, me sembla pas mau de pas totjorn se maniar l'embonilh per un còp.
Perqué pas far un article sus l'actualitat que pertòca França (e donc Occitània-quasi-tota) e qu'es fòrça importanta per nosautres ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari